ШҰҒЫЛ! Құқық қорғаушыларға қойылар талап күшейді Толығырақ

Жағыппар Аманжолұлы Қарабала

Жағыппар Аманжолұлы Қарабала, филиал директоры

1960 жылы 5 наурызда туған. 1982 жылы С.М.Киров атындағы Қазақ Мемлекеттік университетін тәмамдаған.

1982-1987 жж. Жезқазған облысы, Шет аудандық «Ильич туы» газетінде бөлім меңгерушісі, жауапты хатшы, редактордың орынбасары, 1987 жылы облыстық «Жезқазған туы» газетінің бөлім меңгерушісі қызметтерін атқарған.

1988 жылы Жезқазған облыстық партия комитетінің идеология бөлімінің нұсқаушысы, 1991-1992 жж. Жезқазған облыстық «Сарыарқа» газетінің бөлім меңгерушісі болды.

1992-1998 жж. Қызылорда облыстық Телерадиокомпания төрағасының орынбасары қызметін атқарды.

1998 жылдың қаңтарынан 1998 жылдың  қазан айына дейін Қызылорда облыстық ақпарат және қоғамдық келісім басқармасы басшысының орынбасары – бұқаралық ақпарат және реформаларды насихаттау бөлімінің басшысы, облыстық Халық шығармашылығы және мәдени-демалыс қызметін ұйымдастыру орталығының директоры, облыстық Мәдениет басқармасы басшысының орынбасары қызметтерін атқарған.

1998 -2005 жж. телеарнаның бас продюсері, бас редакторы, «Қазақстан» РТРК» АҚ Қызылорда облыстық филиалы төрағасының орынбасары болған.

2005 жылдан бері «Қазақстан» РТРК» АҚ Қызылорда облыстық филиалының директоры.

«Сыр елінің жаңа жұлдыздары» (2005 ж.), «Ботақан» (2007 ж.), «Жыр керуен» (2009 ж.) жобаларының авторы.

Қазақстан Республикасының Конституциясының 10 жылдығы мерекелік медалімен «Құрмет» орденімен, Қазақстан Республикасының Мәдениет және ақпарат министрлігінің Құрмет грамотасымен марапатталған. «Нұр Отан» партиясының мүшесі.