ШҰҒЫЛ! ТҰРҒЫНДАР ӨТІНІШІ ЖАУАПСЫЗ ҚАЛМАЙДЫ Толығырақ

«Бозторғай» байқауының жарық жұлдыздары анықталды

17:32, 9 сәуір 2018

Сырдың кішкентай өнерпаздарының басын қосып, шығармашылығын шыңдаған облыстық «Бозторғай» балалар шығармашылығы конкурсы мәреге жетті. Дәстүрлі өнер додасына барлығы 300-ден астам талантты жас қатысып, бес жанр бойынша өнер көрсетті.

Аудандық және қалалық кезеңнен іріктеліп шыққан өнерпаздар облыстық байқаудың бірінші күнінде  халықтық орындау, вокал және дәстүрлі ән жанры бойынша сынға түссе, екінші күнде көркемсөз оқу шеберлерінің үздіктері анықталды. Айта кету керек, көркемсөз оқу жанры

байқау бағдарламасына былтыр ғана енгізілген болатын. Соған қарамастан бұл конкурсқа алпысқа жуық бала қатысып, жергілікті ақын-жазушылардың туындыларын жатқа оқыды.

Инт: \өлең\

Думан Бекмырза-байқауға қатысушы

Ал, хореография жанры бойынша арысы Арал, берісі Жаңақорған ауданынан барлығы 30 би тобы қатысты. Мың бұралған бишілер байқаудың шарты бойынша бірінші қазақтың ұлттық биін билесе, екінші кезеңде еркін тақырыпта өнер көрсетті.

Рахымжан Қошқарбаев – «Нұр»  би тобының жетекшісі

Би сайысының қорытындысы бойынша кіші топта «Балдәурен» және «Балдырған» би ұжымы үздік шықты.  Ал, 7-10 жас аралығында сырдариялық «Балауса» би тобы бірінші орынға ие болса, жоғары топ арасында қызылордалық «Балбұлақ», «Ақжелен», «Самға» ұжымының бишілері көш бастады. Биылғы конкурстың басты ерекшелігі, талапкерлер әр жанрдың қорытындысы бойынша жеке-жеке марапатталды. Облыстық байқаудың жеңімпаздары енді алдағы мамыр айында Алматы қаласында өтетін халықаралық «Бозторғай» балалар шығармашылығы конкурсына қатысады.

Әкімжан Жолтаев

Тақырып бойынша материалдар

Танымал жаңалықтар