ШҰҒЫЛ! ҚР ПРЕЗИДЕНТІНІҢ ХАЛЫҚҚА ҮНДЕУІ Толығырақ

«Ғасырдан да ұзақ күн» қойылымы сахналанды

16:43, 18 сәуір 2019

Қалибек Қуанышбаев атындағы мемлекеттік академиялық қазақ музыкалық драма театрының Сыр өңіріндегі гастрольдік сапары жалғасуда. Елордалық өнер ұжымы көрермен қауымға «Ғасырдан да ұзақ күн» қойылымын ұсынды.

Шыңғыс Айтматовтың «Ғасырдан да ұзақ күн» шығармасы театрдың репартуарына 2003 жылы енген. Содан бері сахнадан түспей келе жатқан туындының қоюшы режиссері - КСРО Халық әртісі, Қазақстанның Халық Қаһарманы Әзірбайжан Мәмбетов. Спектакль бұрынғы майдангер, қарапайым теміржолшы Едігенің өмірде көрген-білгендерін баяндаудан тұрады. 44 жыл бойы теміржолда аянбай еңбек етіп, қартайғанда балаларының қамқорлығынсыз қалып, жалғыздықта көз жұмған досы Қазанғапты жерлейді. Досына берген аманатты орындау кезінде Едіге талай дүниені ой елегінен өткізеді. Жалпы автор адамзат басына түскен барлық ауыртпалықты, қайғы-қасіретті осы Едігенің бойына жинақтаған.

Болат Ыбыраев - ҚР еңбек сіңірген қайраткері, актер

Өз рөлін сәтті сомдаған актерлардың бірі - Бақыт Исабекова. Талантты әртіс дінсіз, ділсіз ұрпақ бар байлығынан, көнелерден келе жатқан мирасынан айырылып бара жатқанына қынжылған Үкібала образын әсерлі жеткізді. Сахнагердің рөлі арқылы  «мәңгүрттіктің» ақыры неге апаратынын ұғынуға болады.

Бақыт Исабекова –ҚР еңбек сіңірген қайраткері, актер

Қойылым барысында сахна суретшілерінің де еңбегі ерекше назар аудартты. Поезд, темір жол, бағдаршам көрінісі көрерменнің қойылымға енуіне өз септігін тигізсе, техникалық топтың жарық беруі, будақтатып түтін шығаруы спектакльді көркем ете түсті. Ал әртістердің сахнада ойнау шеберлігі, қойылымның мазмұны көптің көңілінен шыққанын байқадық. Айта кетейік, Қалибек Қуанышбаев атындағы мемлекеттік академиялық қазақ музыкалық драма театры Сыр өңіріндегі сапарын 20 сәуірде түйіндейді.

Асқар Тәжиев

Тақырып бойынша материалдар

Танымал жаңалықтар

Кәсіпкерлік саласы қарқын алып келеді
16:43, 13 мамыр 2019
Кәсіпкерлік саласы қарқын алып келеді
Толығырақ...
Президент жаңа қала құрылысымен танысты
17:42, 14 мамыр 2019
Президент жаңа қала құрылысымен танысты
Толығырақ...