ШҰҒЫЛ! ҚР ПРЕЗИДЕНТІНІҢ ХАЛЫҚҚА ҮНДЕУІ Толығырақ

Қызыл орамалды шынарым

18:07, 16 сәуір 2019

Қалибек Қуанышбаев атындағы мемлекеттік академиялық қазақ музыкалық драма театры Сыр өңірінде. Елордалық өнерпаздар  гастрольдік сапардың алғашқы күнінде Шыңғыс Айтматовтың "Қызыл орамалды шынарым" лирикалық драмасын сахналап, көрерменнің қошеметіне бөленді. 

Қалибек Қуанышбаев атындағы мемлекеттік академиялық қазақ музыкалық драма театры 1991 жылы ашылып,  алғаш рет Ғабит Мүсіреповтің «Ақан сері-Ақтоқты» трагедиясы қойылды. Міне, киелі сахнада содан бері көптеген қойылымдар көрсетіліп, қаншама образдар сомдалды, көрерменге ой салды. Бүгінде театр қоржынында қырыққа жуық спектакль бар. Солардың бірі Шыңғыс Айтматовтың      «Қызыл орамалды шынарым» лирикалық драмасы. Бұл қойылым Сыр сахнасында алғаш рет сахналанып отыр.

Талғат Теменов – Қ.Қуанышбаев атындағы мемлекеттік академиялық қазақ музыкалық драма театрының көркемдік жетекшісі

Спектаклде Тянь-Шань тауының бөктерінде, Долан асуында болған оқиға баяндалады. Ауылдың ақкөңіл әрі ажарлы қызы Әсел мен көлік жүргізуші Ілияс кездейсоқ кездесіп, бірін бірі ұнатып қалады. Отау құрып, сәби сүйеді. Үлкендердің батасын алмай, атастырылған жігітін тастап Ілиясқа ерген Әсел көптеген қиыншылықтарға кезігеді. Шаңырағы шайқалып, ақыры ажырасып тынады. Ілияс өзінің қызметтес қызына үйленсе, Әсел өзінен үлкен азаматқа қосылады. Ал екі ортада қалған бейкүнә бала  өзге адамды әке деп, өз әкесін танымайды.    

Әбілмансұр Серіков-актер

Театр актері Әбілмансұр Серіков осы қойылымдағы Ілияс рөлін үздік сомдағаны  үшін Қырғызстанда өткен халықаралық фестивальде  «Ең үздік ер адам бейнесі» номинациясымен марапатталды. Айта кетейік, театр ұжымы жаз айында Түркияның Адана қаласында  Шыңғыс Айтматовтың осы «Қызыл орамалды шынарым» драмасын сахналамақ. Ал театр десе ішкен асын жерге қоятын Сыр жұртшылығы алдағы бір апта бойы елордалық сахнагерлердің қойылымдарын тамашалай алады.

Әкімжан Жолтаев

Тақырып бойынша материалдар

Танымал жаңалықтар

Кәсіпкерлік саласы қарқын алып келеді
16:43, 13 мамыр 2019
Кәсіпкерлік саласы қарқын алып келеді
Толығырақ...
Президент жаңа қала құрылысымен танысты
17:42, 14 мамыр 2019
Президент жаңа қала құрылысымен танысты
Толығырақ...