ШҰҒЫЛ! ТҰРҒЫНДАР ӨТІНІШІ ЖАУАПСЫЗ ҚАЛМАЙДЫ Толығырақ

Өнердің қайталанбас жампоздары

15:48, 26 қараша 2018

«Сыр сұлуы» халықтық ән-би ансамблін білмейтін адам кемде-кем.Үкілі өнерімізді елімізге ғана емес, алыс жақын шет елдерге насихаттаған ұлықты ұжымның тарихы тереңде. Бір кездері атақ-даңқы шартарапқа танылған ансамбльге  биыл -  жарты ғасыр. Ал осы өнерлі ұжымның көркемдік жетекшісі әрі дирижері, професссор Мүлкаман Қалауовтың туғанына – 80 жыл. Осыған орай студенттер сарайында ғылыми-танымдық конференция өтті.

«Сыр сұлуы» ансамблі 1967 жылы құрылды. Өнер ұжымы Сырдың сұлу сазын әуелете орындап, көпшілікті өз репертуарымен баурап алды. 140 мүшесі бар ансамбль республикалық  байқаудан үздік шығып, Мәскеудің өнер апталығына жолдама алды.  Онда алтын медаль иеленіп, 1968 жылы елімізде тұңғыш реті «халық ән-би ансамблі» деген жоғары атаққа ие болды. Халықтық атанған ансамбльдің өнері өркен жая бастап, жаңа тынысы ашылған кез  - 1969-1971 жылдар. Осы уақыттары Сыр өнерпаздары Болгария, Молдавия, Иемен елдерінде болып, ұлттық өнеріміздің шоқтығын биік етті. 

Қылышбай Бисенов  - Қорқыт ата атындағы ҚМУ ректоры

Зинаида Сексенбаева – «Сыр сұлуы» халықтық ән-би ансамблінің алғашқы мүшесі, Қорқыт ата атындағы ҚМУ доценті

Мүлкаман Қалауов – Қазақстанның еңбек сіңірген мәдениет қызметкері, профессор. Білікті дирижер, талантты композитор ансамбльдің қалыптасып, дамуына сүбелі үлес қосты. Ұлағатты ұстаз, тума талант білім-білігін музыка  өнерінің өрістеуіне арнады. Көптеген шәкірттер тәрбиеледі.  

Жанымкүл Есіркепова - «Сыр сұлуы» халықтық ән-би ансамблінің алғашқы мүшесі

Конференцияда ансамбль тарихы, Мүлкаман Сүлейменұлының өмірі және шығармашылық жолынан естеліктер айтылды. «Сыр сұлуының» алғашқы қарлығаштарынан 2001-2015 жылдары вокалды топ ұйымдастырылды. Қорқыт ата атындағы ҚМУ жанынан құрылған өнер ұжымы да сара жолды жалғастырып, өрісті өнерді ұлықтап келеді.

Шолпан Исабекова

Тақырып бойынша материалдар

Танымал жаңалықтар