ШҰҒЫЛ! ҚР ПРЕЗИДЕНТІНІҢ ХАЛЫҚҚА ҮНДЕУІ Толығырақ

Жүректің шерттім пернесін

20:39, 10 желтоқсан 2018

«Жүректің шерттім пернесін». Осындай атаумен Шиелі ауданының  90 жылдығына орай жергілікті композиторлардың ән кеші өтті. Мерекелік кеш ауданның мәдениеті мен өнерінің өркендеуіне зор үлес қосып, елдің ыстық ықыласына бөленіп жүрген композиторларға құрмет көрсетумен басталды. Сондай-ақ артында өшпес өнер, өлмес мұра қалдырған өнер иелерінің асыл жарлары мен орнын басар ұл-қыздарына да аудан әкімі ыстық ықыласын білдірді.

Әшім Оразбекұлы -  Шиелі ауданының әкімі

Киелі Шиелі топырағы талай дарынды дүниеге әкеліп,  ән өнеріне таланттарды сыйлады. Осы қасиетті мекенде туып, мұқым қазақ жұртын әсем сазды әуенімен тербеткен композиторлар да аз емес. Бүгінде бойына біткен асыл өнерді өлтірмей, өнер мен мәдениеттің мәртебесін асқақтатып жүрген жас композиторлардың бірі – Әл-Фараби Бекарысұлы. Талантты жас 20-ға жуық шығарманың авторы. Ол ақындығымен де көпке танымал. Бүгінгі кеште автор «Әкем анам» атты тың туындының тұсауын кесті.

Әл-Фараби Бекарысұлы – әнші, композитор

Кеште сондай-ақ жергілікті 10 композитордың туындалары көрерменге ұсынылды. Осылайша бірі туған жерін әнге қосса, енді бірі жүрек түбіндегі сырлы сазды күймен жеткізіп, көрерменнің жүрек пернесіне дөп басты.

Әділбек Тәшімов – күйші, композитор

Батырхан Маханов – күйші, композитор

Бұл кешке жиылған көрерменнің қарасы қалың. Текті өнерді төрге шығарып, көрерменге рухани азық сыйлаған өнер кешіне халықтың берген бағасы да жоғары. Шиелі төрін әнмен тербеп, күймен көмкерген мерекелік кештен көпшілік рухани әсер алды.  

Әділжан Бердібеков

Тақырып бойынша материалдар

Танымал жаңалықтар

Кәсіпкерлік саласы қарқын алып келеді
16:43, 13 мамыр 2019
Кәсіпкерлік саласы қарқын алып келеді
Толығырақ...
Президент жаңа қала құрылысымен танысты
17:42, 14 мамыр 2019
Президент жаңа қала құрылысымен танысты
Толығырақ...