ШҰҒЫЛ! Елбасының қатысуымен жалпыұлттық телекөпір өтеді Толығырақ

Қазақ әдебиеті классиктерінің еңбегі – жас ұрпаққа рухани азық

18:37, 6 желтоқсан 2018

Абай. Шәкәрім. Мұхтар. Бұлар - қазақ әдебиетіндегі ұлы есімдер. Ал олардың шоқтығы биік шығармалары -  халқымыздың рухани қазынасы, ұлттық мирасы. Алаш арыстарының өмірі мен шығармашылығы, бұл бағыттағы ғылыми жұмыстар мен зерттелуі тиіс еңбектер жайлы ғылыми-теориялық конференцияда жан-жақты айтылды.

Кемеңгер Абайды оқып, қазақ баласының сауаты ашылып, көкірегі оянды, дүниетанымы кеңейді. Ұлы ақынның даналыққа толы еңбектерінен рухани толысып, тағылым мен тәрбие сіңірген жан қаншама! Әлихан Бөкейханов, Міржақып Дулатов, Ахмет Байтұрсыновтай алаш арыстары да Абай мектебінен өтті. Кемеңгердің құнды еңбектерін оқып қанаттанып, арқаланып, шабыттанып, ұйқыдағы халықты оятты. Білімге шақырды.

Конференцияға қатысқан абайтанушы Асан Омаров қазіргі жас ұрпақ  Құнанбаев шығармашылығының жаңа қырын, астарлы мазмұнын түсініп өссе дейді. Сол мақсатта ғалым Абай жинағын жаңаша бағытта жинақтап жүр.

Асан Омаров – абайтанушы /Шығыс Қазақстан/

Ал Абайдан кейінгі ойшыл ақын Шәкәрімнің қазақ әдебиетіндегі шоқтығы биік шығармаларының бірі -  «Үш анық». Бұл еңбекті жазуға қаламгер 30 жылдай уақытын сарп етіпті. «Ақыл деген өлшеусіз бір жарық нұр» деп оқырманын ой-танымын арттыруға, ақылды, арлы болуға үндеген философ ақынның туғанына биыл – 160 жыл. Шәкәрім еңбектері күні бүгінге дейін толықтай ашылған жоқ, - дейді ақын, журналист Мұратбек Оспанов. 

Мұратбек Оспанов – ақын, Семей республикалық «Абай» журналының бас редакторы        /Шығыс Қазақстан/

«Абай-Шәкәрім-Мұхтар мұрасы» тақырыбындағы конференцияның  негізгі мақсаты – осы әдебиет алыптарының шығармашылығын жас ұрпаққа тереңірек таныту. Облыстың зиялы қауым өкілдері, қоғам қайраткерлері мен қаламгерлердің басын қосқан конференцияда тағылымды ой, ұтымды ұсыныс-пікірлер айтылды. Айта кетейік, әдеби-рухани маңызы зор шараның өтуіне абайтанушы ғалым, білікті ұстаз Абат Жолдасқызы мен қалалық білім бөлімі ұйытқы болды.

Шолпан Исабекова

Тақырып бойынша материалдар

Мектеп тәрбиеге басымдық беру қажет
15:31, 11 желтоқсан 2018
Мектеп тәрбиеге басымдық беру қажет
Толығырақ...
"Тәй-тәй" технологиясының әдістемелік ерекшеліктері
18:49, 7 желтоқсан 2018
"Тәй-тәй" технологиясының әдістемелік ерекшеліктері
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...