ШҰҒЫЛ! 969 ПӘТЕР ПАЙДАЛАНУҒА БЕРІЛЕДІ Толығырақ

«Қазақстан-Қызылорда» телеарнасына – 25 жыл

14:40, 27 сәуір 2016

Аймақтың жетекші арнасы «Қазақстан-Қызылорда» осы аптада ширек ғасырлық мерейтойын атап өтпек. Қарбалас еңбек пен қарқынды дайындық арасында біздің тілшілеріміз төларна туралы бейнематериал әзірлеуге де уақыт тапты.

ТІЛШІ: Тойдың болғанынан боладысы қызық. Көрерменнің көзі үйреніп, көңілінен шығып жүрген телеарна ширек ғасырлық белесін атап өтуге қызу дайындық үстінде. Бұл өз ісін құлай сүйетін, әрбір кадрды мүлт жібермеудің кілтін тапқан танымал телеоператор – Нұрлыбек Шахметов. Жауапты қызметкер мерейтой қарсаңында өзіне жүктелген жұмыстарды пысықтап жүр.

Нұрлыбек Шахметов –аға телеоператор /стенд туралы/

ТІЛШІ: Бұл ұжым осыдан тура 25 жыл бұрын дәл осылай  мәре-сәре күй кешкенді. 1991-ші жылдың 30 сәуірінде облыстық телеарна алғаш рет 30 минуттық хабармен эфирге шықты. Ал, бірінші мамырда Сыр жұртшылғы орталық алаңдағы мерекелік демонстрациядан 45 минуттық тікелей репортажды тамашалай алды.

Айткүл Шалғынбаева - ҚР Журналистер одағының мүшесі, сарапшы журналист

ТІЛШІ: 25 жыл. Осы белесті біздің телеарна тәуелсіз елімізбен бірге бағындырды. Қазақтан шыққан тұңғыш космонавт Тоқтар Әубәкіровтың ғарышқа сапары, толағайымыз Илья Ильиннің триумфы, жүрек отасына жасалған алғашқы ашық ота, «ғасыр жобасы» саналған Көкарал бөгетінің құрылысы. Қорқыт мемориалдық кешеніндегі «Ұлы дала сазы» фестивалі  телеарнаның алтын бейнеқорында, ал Сыр халқының жадында көпке дейін  сақталары сөзсіз.  Ал, мынау Айымбетовтың жұлдызды сәті. Оның ғарышқа сапарын да Сыр жұртшылығы біздің телеоператорлардың «көзімен көріп», тамашалады. Бұл алынған асуларда төгілген қаншама маңдай тер бар.  Қарымды қалам , алымды қадым бар. Ал, бүгінгідей бәсекелестік пен жаңару кезеңінде телеарнаның алға қойып отырған жоспарлары тіпті ауқымды.

Айсұлу Қасымова – «Қазақстан-Қызылорда» телеарнасы директорының орынбасары

ТІЛШІ:    Тынымсыз тіршіліктегі әр түрлі  жаңалықты қалт жібермей, бірде дәнекерлеуші, бірде шопан, бірде бағбан  болып, әр салаға тіл бітіріп, бірінің  сырын, бірінің мұңын толғатып, тарихты да сөйлетіп, адамзатты кісілікке шақырып,  айналасындағы адамдарды мейірімге бөлеп жүрген телеарнамыздың алар асулары көп болғай! Біз де осынау мерейлі шақта шығармашылық ұжымымызға шалқар шабыт пен толайым табыс тілесек жөн болмақ.

Мөлдір Құлмырзаева,Алпамыс Әшірбеков

Тақырып бойынша материалдар

Танымал жаңалықтар

СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
18:11, 20 қараша 2020
СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
Толығырақ...