ШҰҒЫЛ! 969 ПӘТЕР ПАЙДАЛАНУҒА БЕРІЛЕДІ Толығырақ

Телеарна мерейтойына тарту

10:48, 26 сәуір 2016

Телеарнамыздың төл тойы – 25 жылдық мерекеде тұрақты көрермендерімізден келіп түскен тілектер толассыз. Ақжарма лебізін білдіріп, төларнаға тамаша тілегін тарту еткендердің бірі – қала тұрғыны Несібелі Пірімбетова.

Тілші: Несібелі Шүкәйқызы – заманауи тұлға. Олай дейтініміз, бүгінде  отбасының ұйытқысы бола білген ана, ардақты әженің темір тұлпар тізгіндеп, шаруашылығын ширатып отырған жайы бар.

         Немерелері әжесін әрдайым үлгі тұтады. Мектептен келісімен, өмірінің мәні, шаңырақтың сәні болған кішкентайларының оқуын жіті қадағалайтын да осы ақжарқын әжелері. Шаруашылықпен, саудамен шұғылданса да, Несібелі апайдың нәзік жүрегі рухани өмірге жақын. Өйткені оның балауса арманы журналист болу еді. Мектеп қабырғасында жүріп ақпарат айдынында еңбек етті. Сол себептен болар, жан-жақты тұлғаның «Қазақстан-Қызылорда» телеарнасына бір бүйірі бұрып тұрады. Сүйікті арнаның тұрақты көрермені ұжымның ширек ғасыр меретойында  жырдан шашу шашты.

Несібелі Пірімбетова – телеарнаның тұрақты көрермені

Тілші: Хадия, Арафат, Рамазан, Кәусар. Немерелерінің есімін өзі қойып, оларды атына сәйкес еркелетіп отыратын аяулы әжелерінің телеарнаға оқыған арнауынан соң кішкентайлар да өз құттықтауларын білдіруге асықты.

Сауда, кәсіпкерлік ісімен тірлігін өрістеткен іскер әйелдің аталмыш салалардағы еңбек өтілі -  40 жыл. Үнемі ізденісте жүріп, заманға сай әрекет етіп, біліктілігімен танылған жанның талғамы жоғары. Ата-ананың тәлімінен қуат алып, оны өмірлік бағытына айналдырған Несібелі Шүкәйқызы аймақтың жетекші арнасын руханият шаңырағына балайды.

         «Қазақстан-Қызылорда - сүйікті арнам. 25 жылдық белесті артқа қалдырған төларнаны әрдайым төрлерден көріп, қарышты қадамына көзайым болып жүрейік!» дейді көза қарақты көрермен.

Ш.Исабекова, Б.Әбденов

Тақырып бойынша материалдар

«Қазақстан-Қызылорда» телеарнасына – 25 жыл
14:40, 27 сәуір 2016
«Қазақстан-Қызылорда» телеарнасына – 25 жыл
Толығырақ...

Танымал жаңалықтар

СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
18:11, 20 қараша 2020
СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
Толығырақ...