ШҰҒЫЛ! 969 ПӘТЕР ПАЙДАЛАНУҒА БЕРІЛЕДІ Толығырақ

Телеарнаның төл әнұраны

14:54, 19 сәуір 2016

Биыл аймағымыздың төл арнасы, Сырдың сырлы сандығы «Қазақстан-Қызылорда» телеарнасына – 25 жыл. Осыдан он жыл бұрын жетекші арнаның әнұраны дүниеге келген болатын. Телеарна тынысынан ақпар беріп, тамырын дөп басқан әннің шығу тарихы жайлы келесі бейнематериалымызда.

Тілші: Иә, «Қазақстан-Қызылорда» жаңалықтар жалауы болған үздік арна екені даусыз. Ширек ғасырлық тарихы бар қарашаңырақты журналистер мектебі десек артық айтпаймыз.

         Телеарна әнұраны ақпарат айдынында айшықты орны бар арнаның тынысын дөп басты. Белгілі композитор Рамазан Тайманов тәуелсіздікпен құрдас берекелі ұжымның  ширек ғасыр мерейтойына гимнді қайта өңдеп шықты. Енді телеарна әнұраны облыстық филармония әншілерінің орындауында көрерменге жол тартпақ. 

Рамазан Тайманов – ҚР еңбек сіңірген қайтарткері

-Профессионально түрде қарағанда ән өте жақсы ән. Әдемі жазылған, сөзі де үйлесімді. Бұл әнді облыстық филармония әншілеріне айтқызып жатырмыз. 25 жылдығымен Қазақстан-Қызылорда телеарнасын құттықтаймын./

Тілші: Әнұран  сөзін белгілі режиссер, сценарист, ҚР мәдениет қайраткері Оңталап Нұрмаханов жазды. Ондаған жылдар бұрын жарыққа келген туынды әлі күнге дейін ақынға тым жақын. Өйткені, шығармашылық иесінің руханият әлеміне, өнерге қадам басып, шыңдала түскен шағы оның телеарнада қызмет еткен жылдарымен сабақтас.

Оңталап Нұрмаханов –ҚР мәдениет қайраткері

- ұжымның ішкі жұмысын, шығармашылық деңгейін, жетістігін білмей, ол мекеме туралы өлең жазу қиынның қиыны болар еді. Мен сонда редактор болып жұмыс істедім. «Ұшар», «Әпсана», «Бір келіншек» деген қысқа метражды фильмдер түсірдік. Қазір ол алтын қорында телеарнаның.  Күнделікті тыныс тіршілігін телеарнаның білгендіктен, осы әнұранға сөз жазуға ниеттендім.

Тілші: Ал телеарна гимнінің әні  - журналист Қанат Махановтың еңбегі. Төл арнаның 15 жылдық мерейтойында дүниеге келген ұжымның ортақ әнін күні бүгінге дейін телеарна қызметкерлері әуелете орындап жүр. Арнаның қандай мерейлі шарасы болмасын, әнұрансыз өтпейді.

         Гитарадан туған әсем ноталар жыр жолдарымен астасып,  ол кейін қарашаңырақтың қасиетті музыкасына айналды.  

Қанат Маханов – журналист

Әнге сөз жазып, сөз бен әнді қатар жазып көргенбіз. Мынау сөзге ән жазу керек болды. Бұл да бір қиындау жұмыс болды. Сөзді алып, келген аккордқа байланысты мажорный нота болу керек болды да. Әннің құрылысына қарап дүниеге келіп, жалғасты.

Тілші: Айта кетейік, 2011 жылы телеарнаның 20 жылдық мерейтойында әнұран Сыр өңірінен шыққан белгілі эстрада жұлдыздарының орындауында көрерменге ұсынылды. Ақпарат құралының аға буыны мен жаңа буыны өкілдері де келешегі кемел әнді жатқа біледі. Жүрегімен айтады.

Ш.Исабекова, А.Әшірбеков, Б.Абасилов

Тақырып бойынша материалдар

«Қазақстан-Қызылорда» телеарнасына – 25 жыл
14:40, 27 сәуір 2016
«Қазақстан-Қызылорда» телеарнасына – 25 жыл
Толығырақ...

Танымал жаңалықтар

СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
18:11, 20 қараша 2020
СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
Толығырақ...