ШҰҒЫЛ! 969 ПӘТЕР ПАЙДАЛАНУҒА БЕРІЛЕДІ Толығырақ

Телеарна тарихындағы елеулі есім

13:22, 20 сәуір 2016

«Қазақстан-Қызылорда» телеарнасына – 25 жыл. Ширек ғасырлық тарихы бар ақпарат құралының қалыптасып, дамуында көптеген тұлғалар тынымсыз тер төкті. Солардың бірі де бірегейі - мемлекет және қоғам қайраткері, саяси ғылымдарының докторы Әбдіжәлел Қошқарұлы Бәкір. Ғалым телеарна ашылған бастапқы кезеңде басшылық етіп, ұжымды іскер ұйымдастыра білді.

Тілші: Әбдіжәлел Бәкір 18 жылға жуық уақыт облыстық партия қызметінде болды. Саяси өмірге етене араласа жүріп, тәжірибе жинақтады. Әрбір саланың даму бағыты мен кенжелеп қалған тұстарын ой елегінен өткізіп, біліктілігін арттырды. Ал 1991 жылы Әбдіжәлел Қошқарұлына өз жұмысын жаңадан бастаған облыстық телеарнаның тізгінін ұстау жауапкершілігі жүктелді.

Партия ісінен ақпарат құралын басқаруға келген басшы бар білім-білігін, пайым-парасатын Сыр телевизиясының  өркендеуіне арнады. Жаңа құрылымның қарыштап дамуына күш-жігерін салды. Бұл мақсатта телеарна жетекшісі облыстық радионы 28 жыл басқарған білікті ұйымдастырушы Жақсылық Бекқожаевтың кәсіби шеберлігімен, бай тәжірибесімен де санасып отырды. Бұл оның іскерлік потенциалының зор, рухани өресінің биік екендігінің айғағы.

Әбдіжәлел Бәкір – саяси ғылымдар докторы, «Қазақстан-Қызылорда» телеарнасының 1991-1995ж.ж басшысы

Тілші: Телеарна басқаруда өзіндік стилімен айқындалған басшы тәртіптілік пен жүйелілікке баса мән берді. Шығармашылық бағытта өрлеуге, қызметкерлердің кәсіби жаңашылдыққа ұмтылуына мүмкіндік жасай білді.  Соны саланың серпінді дамуы – алдағы басты мақсат-міндет болатын. Әбдіжәлел Қошқарұлы бұл үдеден шығуда сол кезде орынбасарлық қызметке тағайындалған телеарнаның қазіргі басшысы Жағыпар Қарабаламен тығыз байланыста болды. Жетекшілік қызметтегі білікті басшылардың ұжымды тиімді басқаруымен, аға буын өкілдерімен сабақтастықты нығайта түсуінің нәтижесінде телеарна толайым табыстарға жете бастады.

Әбдіжәлел Бәкір – саяси ғылымдар докторы, «Қазақстан-Қызылорда» телеарнасының 1991-1995ж.ж басшысы

Тілші: Арнаның алғашқы жетекшісі -шығармашылық топтың күш-жігерін  Сыр елінің өне­ріне, өнерді қол­даушылар және қорғаушылар қыз­метін насихат­тауға бағыттады. Об­лыс­та тұратын ақын, әнші, жыршы-күйші­лердің,  әуесқой ком­пози­тор­лардың түгел дерлік авторлық кеш­тері өткізіліп, оның біразы “Қа­зақ­стан” телеарнасы ар­қы­лы рес­­пуб­ликаға таратылды. Ауқымды жобалар  бүгінде ұлттық арнаның «Алтын қорында» сақтаулы.

Әбдіжәлел Бәкір – саяси ғылымдар докторы, «Қазақстан-Қызылорда» телеарнасының 1991-1995ж.ж басшысы

Тілші: Профессор Әбдіжәлел Бәкір 1995-2004 жылдары ҚР Парламенті Мәжілісінің екі мәрте депутаты болды. Мәжіліс депутаты ретінде еліміздегі «БАҚ туралы», «Жарнама туралы», «Тіл туралы» Заңдардың дайындалып, қабылдануына айрықша үлес қосты. Қайраткер тіл жанашыры ретінде де  елімізге танымал. Алаш ардақтысы Мұстафа Шоқайды зерттеуге арналған еңбектері де оның ғылыми жолдағы тынысын кеңейе түскен тақырып арқауына айналды. Бәрінен бұрын ғалымның аймақ телеарнасының дамуына қосқан үлесі өлшеусіз.

Қорыта айтқанда, Сырдың сырлы сандығының тарихи танымында  Әбдіжәлел Бәкірдің  айрықша қолтаңбасы бар.

А. Қожақова, А. Әшірбеков

 

Тақырып бойынша материалдар

«Қазақстан-Қызылорда» телеарнасына – 25 жыл
14:40, 27 сәуір 2016
«Қазақстан-Қызылорда» телеарнасына – 25 жыл
Толығырақ...

Танымал жаңалықтар

СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
18:11, 20 қараша 2020
СОТ САЛАСЫНА ЖАҢА ТЕХНОЛОГИЯЛАР ЕНГІЗІЛУДЕ
Толығырақ...