ШҰҒЫЛ! ЖАЗАТАЙЫМ ОҚИҒА Толығырақ

Денсаулық сақшылары құрмет төрінде

16:53, 14 маусым 2019

Бүгінде Сыр медицинасында серпіліс бар. Емдеу мекемелері заманауи құралдармен жабдықталып, қызмет көрсету сапасы жақсарды. Халықтың денсаулығы түзеліп, туу көрсеткіші артты. Әрине, мұның артында Гиппократ антынан айнымаған ақ халатты абзал жандар тұр. Медицина қызметкерлерінің кәсіби мерекесіне орай қармақшылық дәрігерлердің еңбегі еленіп, мерейі үстем болды. 

Мерейлі мерекеде құрмет төрінен көрінгендердің бірі – Ләззат Байкөшкенова. Отыз жылға жуық медицина саласында жұмыс істеген денсаулық сақшысын әріптестері құрметті еңбек демалысына шығарып салды. Ақ халатына дақ түсірмеген абзал жан алғаш еңбек жолын аудандық теміржол ауруханасынан бастаған. Кейін Ақжар ауылдық амбулаториясына ауысып, күні бүгінге дейін халыққа қалтқысыз қызмет көрсетіп келеді. 

Ләззат Байкөшкенова-Ақжар ауылдық амбулаториясының медбикесі

Қазіргі таңда ауданда жеті жүзге жуық медицина қызметкері еңбек етеді. Қармақшылық дәрігерлер қызмет көрсету сапасын арттырып, қолжетімді ету мақсатында жүйелі жұмыстарды қолға алған. Сондай-ақ барлық емдеу мекемелері цифрлық жүйеге ауыстырылып, соңғы үлгідегі құрал-жабдықтармен қамтамасыз етілуде.

Бақытжан Нысанбаев-Қармақшы аудандық ауруханасының бас дәрігері

Сұлтан Мақашов-аудан әкімі

Дәрігерлерді төл мерекелерімен құттықтаған Сұлтан Ысқақұлы  бірқатар сала үздіктеріне облыс және аудан әкімінің алғыс хатын табыстады.

Әйгерім Шүлтікова- Қармақшы аудандық ауруханасы терапия бөлімінің меңгерушісі

Иә, ақ халаттты абзал жандарға қандай құрмет көрсетілсе де жарасымды. Себебі, олар - денсаулық сақшысы, адам баласына өмір сыйлаушы. Ендеше, құрметті медицина саласының майталмандары  қажырлы еңбектеріңіз үшін, уақытқа қарамай, адам өміріне араша түскендеріңіз үшін, әрбір науқасқа мейірім шапағатын төге білгендеріңіз үшін мың алғыс сіздерге!

Әкімжан Жолтаев

Тақырып бойынша материалдар

Медицина мінберіндегі мәртебелі маман
19:35, 4 қараша 2019
Медицина мінберіндегі мәртебелі маман
Толығырақ...
1500 сырбойылық "Денсаулық" пойызының қызметіне жүгінді
19:13, 1 қараша 2019
1500 сырбойылық "Денсаулық" пойызының қызметіне жүгінді
Толығырақ...

Танымал жаңалықтар

Қармақшы жұрты Мәуліт мерекесін тойлады
10:55, 11 қараша 2019
Қармақшы жұрты Мәуліт мерекесін тойлады
Толығырақ...
Талғамы биік, талабы зор Шиелінің жастары
09:33, 13 қараша 2019
Талғамы биік, талабы зор Шиелінің жастары
Толығырақ...