ШҰҒЫЛ! Ауылды ұйқысынан оятқан оқиға Толығырақ

Денсаулық сақшысына құрмет

18:22, 8 қаңтар 2019

Облыстық медициналық орталықтың травматолог дәрігері Амантай Алдамжар Елбасы Жарлығымен «Ерен еңбегі үшін» медалімен марапатталды. Бұл саналы ғұмырын медицина саласына арнаған ақ халатты абзал жанның еселі еңбегінің жемісі. 

Амантай Алдамжар медицина саласына кездейсоқ келген жоқ. Дәрігер болу оның бала күнгі арманы болатын. Себебі, ағасы Ермек  Алдамжаров  ұзақ жылдар медицина саласында жұмыс істеп, «Алтын қолды дәрігер» атанған. Міне, аға жолын қуған Амантай Нұрмышұлы Алматы медициналық  институтының Қызылордадағы филиалын бітіріп, алғаш еңбек жолын қалалық ауруханада травматолог дәрігер болып бастады. Кейін облыстық медициналық орталық ашылғасын осында шақыртылып, күні бүгінге дейін табан аудармай еңбек етуде.

Амантай Алдамжар-дәрігер травматолог, «Ерен еңбегі үшін» медалінің иегері

/Өмірде талай қиында қызықты жағдайлар болды. Қолда бар құралмен операция жасадық. 2008 жылы тікұшақ  құлағанда қанша адам жарақат алды соның бәрін жалғыз өзім атқарым шыққан тұғым. Соған байланысты «Шапағат» медалімен марапатталдым... Ал енді «Ерен еңбегі үшін» беріп жатырғой. Олда болса еңбегіміз еленгені деп білемін../

Білікті травматолог дәрігер күн-түн деп уақытпен санаспай жұмыс істейді. Тіпті, бір күнде үзіліссіз 10-12 операция жасаған кездері де болған. Соңғы кездері заманауи медициналық аппараттармен бұған дейін жасалмаған жамбас, тізе буындарына күрделі операциялар істеп жүр. Нәтижесі жаман емес, науқас тез сауығып, аяғына тұрып кетеді.

Амантай Алдамжар-дәрігер травматолог, «Ерен еңбегі үшін» медалінің иегері

Амантай  Нұрмышұлы әріптестерінің арасында сыйлы, абырой- беделге ие. Шәкірт тәрбиелеп, бар білгенін ізінен ерген жас мамандарға үйретуде.

Айдос Сапаров-травматология бөлімінің меңгерушісі

Айта кету керек, Амантайдың жары  Аманкүл  Алдамжарова  да облыстық медициналық орталықта  30 жылдан  бері  қызмет істейді. Сондай-ақ іні, қарындастары, жеңгелері мен келіндері де осы салада еңбек етеді. Міне, дәрігерлер династиясынан шыққан Амантай Алдамжар осылайша жыл қорытындысы бойынша үлкен құрметке бөленді. Бұл марапат әрине, ақ халатына дақ түсірмеген дәрігерге ерекше жігер әрі үлкен жауапкершілік жүктейді.

Әкімжан Жолтаев

Тақырып бойынша материалдар

Аймақта атаулы әлеуметтік көмекпен қамтылатындар 3,5 есеге көбейді
10:00, 6 наурыз 2019
Аймақта атаулы әлеуметтік көмекпен қамтылатындар 3,5 есеге к...
Толығырақ...
Ақ халаттыларға алғыс: қызметі қауырт жедел жәрдем
19:46, 1 наурыз 2019
Ақ халаттыларға алғыс: қызметі қауырт жедел жәрдем
Толығырақ...

Танымал жаңалықтар

22:27, 13 наурыз 2019
Жаңақорғанда жүгеріден сусын шығаруда
Толығырақ...