ШҰҒЫЛ! Жылу бағасы үш пайызға төмендеді Толығырақ

Алаяқтықтың ақыры...

19:50, 10 қаңтар 2019

Қызылордалық 40 жастағы азамат бес адамға үй алып беремін деп ақшаларын алып, тақырға отырғызып кеткен. Осы іске байланысты сот үкім шығарды. Оңай ақшаны олжалап келген қала тұрғыны қанша жылға сотталды? 

Серікгүл Жүсіпназарова Арыновтың тұзағына түскендердің бірі. Оның 10 жылдан бері пәтер кезегінде тұрғанын біліп, «800 мың теңге берсең, «Арай-3» мөлтек ауданынан үй алып беремін», деп сендіріпті. Алаяқтық әрекеті шынайы шығу үшін ортақ танысын уақытша жалдамалы пәтерге орналастырып, ақыры екеуін де алдап соққан.

Серікгүл Жүсіпназарова – жәбірленуші 

2016 жылдан бері талайды тақырға отырғызып келген Арыновтың алдау әрекеті бір-біріне ұқсас. Әуелі, «әкімдікте үй алып беретін мықты танысым бар не өзім сонда жұмыс істеймін» деп сендіреді. Ал ақшаны қалтаға басқан соң, тайып тұрады екен. Өкініштісі, табан астында баспаналы боламын деп басын ұстап қалғандардың дені әлеуметтік жағдайы төмен отбасылар. Жанашыр рөлінде жүріп оңай ақшаны олжалап келген Арынов енді жазасын темір тордың ар жағында өтейтін болады.

Күмісбай Қосекеев – Қызылорда қалалық №2 соттың судьясы

Сотталушы бес адамнан 10 миллион 500 мың теңгеге жуық ақша алған көрінеді. Жымқырған сома мұнан да көп болуы мүмкін. Өйткені бұл тек арызданған жәбірленушілер келтірген дерек қана. Сот барлық қарызын өтеуге үкім етті. Қынжылтарлығы, соңғы жылдары осылай қой терісін жамылып, қан қақсатқан қулар азаймай отыр.  

Күмісбай Қосекеев – Қызылорда қалалық №2 соттың судьясы

Қазір Арыновтың серіктесіне іздеу жүргізілуде. Оған да арызданушылар бар. Құрықталса, тағы да жаңа деректердің беті ашылуы мүмкін.        

Елжас Әбділда

Тақырып бойынша материалдар

Арал теңізінің нақты пайда болған кезі анықталды
20:35, 23 қаңтар 2019
Арал теңізінің нақты пайда болған кезі анықталды
Толығырақ...

Танымал жаңалықтар

Ақсуатта газдандыру жұмыстары басталады
18:54, 17 қаңтар 2019
Ақсуатта газдандыру жұмыстары басталады
Толығырақ...