ШҰҒЫЛ! Жолдау жаңаша бағытқа жол сілтеді Толығырақ

Алпыс жылдық түлектер жүздесті

17:50, 15 мамыр 2018

Қармақшы ауданында білім ұясын бітіргеніне алпыс жыл толған түлектер кездесті. Шоқан Уәлиханов атындағы №26 орта мектепті 1958 жылы бітірген түлектер оқу ордасында бас қосып, естеліктерімен бөлісті.

Ақ бантигін ақ жаулыққа айырбастаған әжелер мен бет жүзіне кәрілік белгі салған ақсақалдар осыдан алпыс жыл бұрын білім ұясымен қош айтысқан түлектер. Көңілдеріне мол арман түйіп, сапарға аттанған сол кездегі шәкірттер бүгінде сексеннің сеңгіріне аяқ басқан қазыналы қартқа айналып отыр. Өмір жолының талай бұралаңы мен қалтарысынан өткен аға ұрпақ арада алпыс жыл өтсе де, татулықтарына сызат түсірген емес. Ұстазға деген сыйластығы, білім ордасына деген қимастығы әлі де сезіліп тұрғандай.  

СНХ: Нұрлыбек Теңізбаев – еңбек ардагері

СНХ: Баяшкүл Тәңірбергенова – көп балалы ана

Тілші: Шоқан Уәлиханов атындағы орта мектепті 1958 жылы жүзге жуық шәкірт бітірсе, мерейлі кездесуге олардың жиырмадан астамы жиналған. Түрлі салада еңбек етіп, қазірде бейнеттің зейнетін көріп отырған жандар еліміздің әр түкпірінде. Сыныптастарын сағына жеткендердің бірі - Зейнетай Алмаханов. Ардагер ұстаз Қарағанды қаласында тұрады.

СНХ: Зейнетай Алмаханов – ардагер ұстаз

СНХ: Зина Мақсұмова – көп балалы ана

Тілші:Мектеп оқушылары қарт түлектердің құрметіне арнап мерекелік бағдарлама ұсынды. Қанша уақыт өтсе де, көңілі қартаймаған аға буын өнерлі өрендермен қосыла ән шырқап, есті естеліктерімен бөлісті. Мектеп басшылығы «мұндай ғибратты кездесулердің өскелең ұрпаққа берері мол» дейді.

Асқар Тәжиев

Тақырып бойынша материалдар

Бұқаралық спортты дамыту – басты назарда
10:30, 17 қазан 2018
Бұқаралық спортты дамыту – басты назарда
Толығырақ...

Танымал жаңалықтар