ШҰҒЫЛ! ТҰРҒЫНДАР ӨТІНІШІ ЖАУАПСЫЗ ҚАЛМАЙДЫ Толығырақ

Ауыл кәсіпкерлерінің игі жобалары

17:37, 11 маусым 2019

Жаңақорған ауданы мемлекеттік жекеменшік әріптестік жобалары бойынша аймақта көш бастап тұр. Бүгінде аудан кәсіпкерлерімен 40-қа жуық жоба мақұлданып, соның 16-сы биыл жүзеге асырылмақ. 

Жүзге жуық түтіні бар Билібай ауылы үшін бұл күн ерекше есте қалмақ. Елді мекен тұрғындары көптен күткен фельдшерлік-акушерлік бекеті пайдалануға берілді. Заман талабына сай шағын емдеу мекемесін ауыл кәсіпкері мемлекеттік жекеменшік әріптестік жобасы аясында өз қаржысына салып отыр. Ең бастысы тұрғындар аудан орталығына қатынап, әуре болмайтынына қуануда.  

Пернекүл Жүнісова – ауыл тұрғыны

Жалпы биыл аудандағы 6 елді мекенде осындай амбулаториялық нысандар салу жоспарланған. Бүгінде соның үшеуі жүзеге асырылып отыр. Осы күні Талап және Мәшбек Нәлібаев ауылдарында да жаңа фельдшерлік-акушерлік бекеттер ел игілігіне берілді.

Ерболат Қаратаев – дәрігер

Ал Жаңарық ауылында үш жүз адамға арналған спорт кешенінің іргетасы қаланып, құрылысы бастау алды. Жобаны қолға алған елді мекен кәсіпкері Талғат Искаков. Өзі туып-өскен ауылына игі іс жасауға бел буған іскер азамат осы нысанды салуға 200 миллион теңге көлемінде қаржы құйып отыр.

Талғат Искаков - кәсіпкер

Дені сау ұрпақ өсіру үшін жастарды спортқа баулу маңызды. Осы тұрғыда ауданда мемлекеттік жекеменшік әріптестік жобасымен биыл 10 елді мекенде спорт кешендері бой көтермек. Осылайша жақын келешекте барлық ауылды спорт нысандарымен қамтитын боламыз дейді аудан әкімі.

Ғалым Әміреев – Жаңақорған ауданының әкімі

Қожакент ауылында да 500 келушіге арналған заманауи спорттық-сауықтыру орталығының іргетасы қаланды. Кәсіпкер Ізатулла Үсенов нысан құрылысын қыркүйек айында аяқтауды жоспарлауда. Спорт кешен іске қосылғанда ауыл жастары волейбол, самбо, қазақ күресі, бокс, ауыр атлетика секілді спорт түрлерімен шұғылданатын болады.

Махмұт Рахымжанов – аудандық дене шынықтыру және спорт бөлімінің басшысы

Мұндай қарқынмен алдағы бірер жылда жаңақорғандықтар аймақтағы спорттық инфрақұрылымы дамыған өлке атанбақ. Бұл мемлекет пен кәсіпкер арасындағы әріптестіктің жемісі.

Әділбек Жақанов

Тақырып бойынша материалдар

Танымал жаңалықтар