ШҰҒЫЛ! Мектеп оқушыларының 96,9 пайызы жазғы демалыспен қамтылмақ Толығырақ

Ауылға Жаназар батыр есімі берілді

18:56, 15 мамыр 2018

Елбасының «Рухани жаңғыру» бағдарламасы аясында өткеніміз жаңғырып, тарихымыз түгенделіп келеді. Сондай тағылымды шаралардың бірі Шиелі ауданында болды. Ұлт-азаттық күрес жолында ерлігімен ел жадында қалған Жаназар Досқанаұлының туғанына биыл – 200 жыл. Осыған орай баһадүрдің туған топырағында есімі ардақталып, Бірлестік ауылына Жаназар батырдың аты берілді.

Жаназар Досқанаұлы 1818 жылы бұрынғы Ақмешіт уезі, Сұлутөбе атырабында шаруа  отбасында   дүниеге  келген. Жаназар батыр - ХІХ ғасырдың басында Сыр өңіріне билік-өктемдігін жүргізген қоқандықтар мен батыстағы Ресейдің отаршылдық саясатына қарсы күрес жүргізген. Тарихи деректерде Жаназардың батырлығы 17 жасында-ақ біліне бастайды. Барымташылардың озбырлық әрекеттері үдеп тұрған кезде Жаңабай қарттың түйесін барымталаған қарулы топқа қасқайып қарсы тұрған ол байдың малын кері қайтарады.

Кенесары Қасымұлы бастаған ұлт-азаттық күрес жолында Қоқан басқыншыларымен болған шайқастарда  Иман батыр бастаған көтерілісшілер құрамында ол Қыпшақ сарбаздарын басқарып, Әулиеатаға дейін барған. Және Созақ, Жаңақорған, Жөлек, Ақмешіт бекіністерінде орналасып қалған Қоқан күштерін талқандайды деген деректер де кездеседі. Баба есімі ұлықталған мазмұнда шарада сөз алғандар ержүрек тұлғаның батырлығы мен ел үшін еткен еңбегін еске алды.

СНХ: Алмасбек Есмаханов – Шиелі ауданы әкімінің орынбасары

Тілші: Ел тұтастығын қорғаған Жаназардың Бұқарбай батырмен төс қағысқан дос болып, азаттық үшін күрескен жорықтары туралы халық аузында жыр болып айтылады. Батырдың болмысын аша түсетін деректерге тоқталған белгілі ғалым Тастанбек Сәтбай «Жаназар батырлығымен қоса елдік мәселелерді шешуде өз заманының өте қадірлісі болған» дейді.

СНХ: Тастанбек Сәтбай – тарих ғылымдарының докторы

СНХ: Бақтияр Әбдіраманов – ұйымдастырушы

СНХ: Нәзипа Жүсіпова – Жаназар батырдың шөбересі

Тілші: Сондай-ақ бұл күні көпшілік ХҮІ ғасырда өмір сүрген, ел қорғаған батырлығымен, дуалы ауыз көсемдігімен аты аңызға айналған Шашты Құлпейісұлы кесенесінің ашылуына куә болды.

Шара әрі қарай қазақ күресінен ашық турнирге жалғасты. Еліміздің әр түкпірінен келген балуандар 60 және 90 келіден жоғары салмақтарда бақ сынады. Алпыс келі салмақта қарсыластарынан бағы басым болған шиелілік Бекжан Төлепов жеңіс тұғырына көтерілсе, ауыр салмақта Жаназар батыр атындағы жүлде Қанат Асылбековке бұйырды.

Интершум

СНХ: Қанат Асылбеков – турнир жеңімпазы

СНХ: Бекжан Төлепов - турнир жеңімпазы /60 келі/

Тілші: «Ер намысты - Жаназар» аталған жыраулар байқауы да батырдың тұлғалық келбетін аша түсті. Түрлі тарихи жыр-дастандарды толғап, Жаназар батырға арнау айтқан жас жыршылар көптің көңілін серпілтті.

Интершум

СНХ: Мұхамедәлі Бекпейісов – бас жүлде иегері

Тілші: Күні-түні жорықта жүрсе де, ағайынның қамын  ойлаған батыр бір кездері осы маңнан құдық қаздырып, халықты отырықшылыққа баулып, диқаншылықтан несібесін табуға үйреткен. «Жаназар құдығы» әлі күнге жанға да, малға да нәрін беріп келеді» дейді ауыл қарттары. Ал Жаназар батырдың есімі берілген Бірлестік ауылында бүгінде жүзден астам отбасы түтін түтетіп келеді. Бабалар есімі ұлықталған тәлімді шара өскелең ұрпаққа да үлгі болмақ.

Асқар Тәжиев

Тақырып бойынша материалдар

Қазақтың ұмыт қалған тағамдарын білесіз бе?
17:04, 24 мамыр 2018
Қазақтың ұмыт қалған тағамдарын білесіз бе?
Толығырақ...
Мұнай ұрлығы: қорғаушылар сотталушылардың жазасын жеңілдетуді сұрады
09:06, 24 мамыр 2018
Мұнай ұрлығы: қорғаушылар сотталушылардың жазасын жеңілдетуд...
Толығырақ...

Танымал жаңалықтар

Кене шағу қаупі жоғары елді мекендер саны 127 жетті
15:31, 22 мамыр 2018
Кене шағу қаупі жоғары елді мекендер саны 127 жетті
Толығырақ...
Хабарсыз кеткен соғыс ардагерінің жерленген жері табылды
20:04, 22 мамыр 2018
Хабарсыз кеткен соғыс ардагерінің жерленген жері табылды
Толығырақ...