ШҰҒЫЛ! ТҰРҒЫНДАР ӨТІНІШІ ЖАУАПСЫЗ ҚАЛМАЙДЫ Толығырақ

Балаға берілетін жәрдемақы: кімге, қалай және қанша төленеді?

19:34, 10 қаңтар 2019

Жыл сайын айлық есептік көрсеткіштің өсіп отыруына байланысты балаларға берілетін жәрдемақының мөлшері де өзгеріп тұрады. Биыл да солай. Жаңа босанған анаға тағайындалатын бір реттік жөргекпұл мен сәби жасқа толғанша берілетін жәрдемақы көлемі өсті. 

Биылдан бастап бірінші, екінші және үшінші сәбиін босанғандарға берілетін бір реттік жәрдемақы 95950 теңге болды. Демек, жөргекпұл көлемі былтырғы жылдан төрт жарым мың теңгеге өсті. Ал төртінші не одан да көп бала туған аналар биыл 159075 теңге алады. Бұл 2018 жылмен салыстырғанда 7560 теңгеге көп.

Бала бір жасқа толғанға дейінгі күтіміне байланысты төленетін жәрдемақыда да мынадай өзгерістер бар.

Гүлмайра Әбдіхалықова – ҚР еңбек, әлеуметтік қорғау және көші-қон комитеті облыс бойынша департаментінің бас маманы

Бұл – баласы 1 жасқа толғанша жұмыссыз әйелдерге тағайындалатын ай сайынғы жәрдемақы көлемі. Ал қызметтегі, яғни, жұмысы бар аналарға аталмыш жәрдемақы мемлекеттік әлеуметтік сақтандыру қорына түскен қаржысына байланысты есептеледі.

Мысалы, жұмыс істейтін әйелдің бала туылған айға дейінгі соңғы 2 жылдағы әлеуметтік аударымдар есептелінген табысы 2 миллион 400 мың теңге болса: 100000*24 ай, орташа табысы – 100 мың болады: 2400000/24

1 жасқа дейігі бала күтіміне алатын әлеуметтік төлемі осы орташа табыстың 40 пайызы: 100000*0,4 немесе 40000 теңге. Әлеуметтік төлемнен 10 пайызы жинақтаушы зейнетақы қорына аударылады. Сонда ай сайын ол қолына 36000 теңгеден алып отырады.

Гүлсім Денеева – «Мемлекеттік әлеуметтік сақтандыру қоры» АҚ филиал директоры

Айта кетейік, төлемдерді алу үшін босанған әйелдер жеке куәлігін, туу туралы куәлігін және банктік есеп шотын «Азаматтарға арналған үкімет» корпорациясының бөлімшелеріне, яғни халыққа қызмет көрсету орталықтарына өткізеді.

Шолпан Исабекова

Тақырып бойынша материалдар

Эмоция шегіне жетіп, күш қазандай қайнаған сайыс
18:32, 24 маусым 2019
Эмоция шегіне жетіп, күш қазандай қайнаған сайыс
Толығырақ...

Танымал жаңалықтар