ШҰҒЫЛ! Жолдау жаңаша бағытқа жол сілтеді Толығырақ

Ән еркесін ұлықтаған байқау

11:59, 7 қараша 2018

«Ақмаңдайлым». Сыр өңірінде осындай атаумен ән падишасы, КСРО және Қазақстанның Халық әртісі Роза Бағланова атындағы ІV республикалық әншілер конкурсы өтті. Таланаттарды таныту мақсатында ұйымдастырылған байқауда еліміздің түкпір-түкпірінен келген 17 үміткер бақ сынады.

Өмірінің 70 жылын сахнада өткізген Сыр сандуғашының аты аңызға айналды, бүгінде. Ол тек әнші емес, елін жан қиярлықпен сүйген қайраткер. Сұрапыл соғыста от пен оқтың ортасында жүріп, майдангерлерге әнімен рух сыйлады. Одан бертін қазақ елі тәуелсіздік туын көтерген кезеңде де қоғам өміріне бей-жай қарамай, азаматтық ұстанымын таныта білді. Бағланованың бұл қыры жас өнерпаздарға үлкен өнеге.

Ерқат Жақашев – байқауға қатысушы /Орал/

 Марал Бағланова – Р.Бағланованың келіні

Конкурс екі кезеңнен тұрды. Алғашқы турда қатысушылар Роза Бағланованың репертуарынан бір-бір әннен шырқаса, екінші кезеңде заманауи әндер орындалды. Ал байқауға белгілі композитор , Қазақстанның еңбек сіңірген қайраткері Кеңес Дүйсекеев бастаған өнер майталмандары қазылық етті.

Кеңес Дүйсекеев – ҚР еңбек сіңірген қайраткері, композитор   

 Дәстүрлі шара облыс орталығында биыл алғаш рет ұйымдастырылып отыр. Бұған дейін әншінің туған жері Қазалы ауданында үш мәрте өткізілген болатын. Жыл өткен сайын ауқымы кеңейіп келеді. Сондықтан ән падишасының есімін ұлықтаған байқауға еліміздің түкпір-түкпірінен келген жас таланттар бақ сынады.  Өнер додасына қатысушылар осылай жанды дауыста ән шырқап, тыңдарманның құлақ құрышын қандырды. Әрбірінің өзіндік ерекшелігі бар. Десе де, бас жүлде біреу. Қазылар алқасының шешімімен бұл марапатқа астаналық Айдын Жұмабаев лайық деп танылды.

Айдын Жұмабаев – байқау жеңімпазы /Астана/

Өнерпаздардың бәрі де қаржылай сыйлық, дипломдармен марапатталды. Қорыта айтсақ, Алаштың ақмаңдайлы әншісі саналы ғұмырын ұлтық ән өнерінің өркендеуіне арнады. Халқына сандуғаштай сұлу сазды үнін сыйлап өткен әншінің өнер мұрасын енді осы ізбасарлары жалғай бермек!

Елжас Әбділда

Тақырып бойынша материалдар

"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
17:34, 16 қараша 2018
"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
Толығырақ...

Танымал жаңалықтар

Қожамберді батырға ескерткіш орнатылды
09:34, 12 қараша 2018
Қожамберді батырға ескерткіш орнатылды
Толығырақ...