ШҰҒЫЛ! ЖАЗАТАЙЫМ ОҚИҒА Толығырақ

Ең үздік учаскелік полицей

17:45, 18 маусым 2019

Учаскелік полиция инспекторының міндеті – қылмыс пен құқық бұзушылықтың алдын алу. Тәртіп сақшылары өзі қызмет ететін аумақта отбасылық-тұрмыстық, қоғамдық заңбұзушылықтарды болдырмауды мақсат етеді. Олар халықпен тығыз жұмыс жасайды. Қатаң мінез, темірдей тәртіп иелеріне сол үшін көпшілдік, тез тіл табысушылық қасиет  артықтық етпейді. Біздің кейіпкеріміз Арыстанбек Давлетов -  осындай болмыс иесі.  

Қай бала кішкентайында полиция қызметкері болуды армандамайды?! Бала Арыстанбектің де балауса арманы тәртіп сақшысы болу еді. Инженер-техник мамандығы бойынша жоғары оқу орнын бітірген ол еңбек жолын кәсіпкерліктен бастады. Екінші мамандығы -  құқықтану. Қос дипломды жас орда бұзар отыз жасқа келген соң аңсаған арманына қол жеткізді.  Полиция қызметкері атанып, шен тақты.

Арыстанбек Давлетов – ҚПБ ЖПҚ №9 учаскелік пунктінің инспекторы

Учаскелік полиция инспекторының жұмысы міне басқармадан қару, арнайы камера алудан басталады. Таңғы сегіз жарымнан түнгі 12-ге дейін бекітілген әкімшілік аумақтың тыныштығына, қауіпсіздігіне жауапты осы инспекторлар.

Нұрсұлтан Тлеуов – ҚПБ кезекші бөлімінің бастығы

Әріптестерінің арасында абыройға ие Арыстанбек Шұғыла мөлтек ауданындағы 9 учаскелік пунктте қызмет етеді. Бұл аумақта 5 мыңға жуық тұрғын бар. Полиция аға лейтенанты әкімшілік аймақтағы ұрлық қылмысының ізін суытпай ашуда, түрлі заңбұзушылықтарды болдырмауда жақсы нәтиже көрсетіп келеді. Сол себепті де облыс бойынша үздік учаскелік полиция   инспекторы атанды. Жуырда Нұрсұлтан қаласында облыс намысын қорғамақ.

Ермек Құдайбергенов – ҚПБ ЖПҚ бастығының орынбасары

Күн-түні қырағы қызметте жүрген тәртіп сақшысы отбасына аз уақыт арнайды. Десек те, үлкеннен алған өнегесін ұрпағының бойына дарытуға уақыт табады. Жұбайы – дәрігер. Қос ұлы мен аяулы жары қоғам тыныштығын күзеткен отағасының қарбалас қызметіне түсіністікпен қарайды.

Аида Әбдраманова - жұбайы

Ел мүддесін биік қойған тәртіп сақшысының қызметіне  деген адалдығы, жауапкершілігі бір төбе. Бұл құндылық әрбір полиция қызметкерінің бойынан табылуы тиіс. 

Шолпан Исабекова

Тақырып бойынша материалдар

Танымал жаңалықтар