ШҰҒЫЛ! Жолдау жаңаша бағытқа жол сілтеді Толығырақ

Ерте үзілген ән - ғұмыр

16:12, 8 қараша 2018

Қазалы ауданында өрелі өнер иесі, талантты сазгер, ақын әрі әнші Батырхан Нұрымбетовті еске алуға арналған «Ән тұмарым» атты байқау болды. Тағлымды кеште Батырханның әндері әуелеп, «Ерте үзілген ән- ғұмыр» атты кітабының тұсауы кесілді.

Сыр өңірі тума таланттар мен дауылпаз дарындардың құтты мекені, қара шаңырағы, алтын ордасы. Осынау киелі топырақтан талай өрелі өнер иелері шығып, қазақ көгінде ән болып қалықтады, қияға шарықтады.  Солардың бірі - өн бойына сан өнерді тоғыстырған сазгер, ақын, әнші Батырхан Нұрымбетов. Қазалы ауданына қарасты Түктібаев ауылында дүниеге келген ол жастайынан ән жырға жақын болды. Ауылдық клубты басқарып, өңірдің мәдениет саласының дамуына өлшеусіз үлес қосты. Кейін мектепке ауысып, шәкірт тәрбиеледі.

 Анар Әділова-қазылар алқасының мүшесі, әнші       

Аудандық әншілер байқауы Батырхан Нұрымбетовтың туған ауылында өтті. Өнер додасына жиырмаға жуық талапкер қатысып, Батырханның әндерін нақышына келтіре орындады. Солардың бірі Майдакөл ауылынан келген өнерпаз Бағдәулет Мақсұтов.

Бағдәулет Мақсұтов-байқауға қатысушы

Байқау қорытындысы бойынша аудандық мәдениет үйінің әншісі Әмір Сариев бас жүлдені жеңіп алды. Жалпы, Батырхан қамшының сабындай қысқа ғұмырында қырыққа жуық ән жазыпты. Солардың ішінде «Гүлімсің», «Ақ гүлім», «Ән тұмарым»,  «Айдана», «Туған жер», «Алтынай», «Неге, неге», «Қайтейін»  сияқты әндері бүгінде үлкен сахналарда орындалып жүр. Кезінде қазақ эстрадасының жарық жұлдызына айналған Нәби Аймұратовты танымал еткен Батырханның осы «Гүлімсің» әні болатын.   Өкінішке қарай, әсем әнімен елді елең еткізген әнші де әннің авторы да бұл фәнимен ерте қоштасты. Бірақ «өлмейтұғын артына ән қалдырған» ерекше дарын иелері тыңдарманның мәңгілік жүрегінде қалды.

Алтынбай Шарафадин-білім саласының ардагері

Байғабыл Әбсұлтанов-ағасы

Аудандық мәдениет үйі қызметкерлерінің ұйымдастыруымен өткен еске алу кешінде Батырханның қызы Қызғалдақ «Әкеге сағыныш» өлеңін оқып, көпшіліктің жанарына жас алғызды. Кеште сондай-ақ Нұрымбетовтың «Ерте үзілген ән ғұмыр» атты кітабының тұсауы кесілді. Жинақта өмірден ерте кеткен өнер иесінің туындылары топтастырылған. Міне, осылайша Сырдың талантты тумасы өмірге қайта келгендей болды. Батырханның рухы мәңгі жасай бермек!

Ә. Жолтаев

Тақырып бойынша материалдар

"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
17:34, 16 қараша 2018
"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
Толығырақ...

Танымал жаңалықтар

Қожамберді батырға ескерткіш орнатылды
09:34, 12 қараша 2018
Қожамберді батырға ескерткіш орнатылды
Толығырақ...