ШҰҒЫЛ! Елбасының қатысуымен жалпыұлттық телекөпір өтеді Толығырақ

ҒАЗИЗ ЖҮРЕК ТОҚТАДЫ

11:29, 12 маусым 2018

Қасиетті Рамазан айында бақытын еңбекпен еселеген ғазиз жүрек тоқтады. Социалистік Еңбек Ері, ел анасы Шырынкүл Қазанбаева 98 жасқа қараған шағында дүниеден озды.

Өмірде адал еңбектің ақ туын көтеріп, ақиқатынан айнымаған жандар болады. Шырынкүл Қазанбаева сол саптағы бірегей болмыс иесі еді. Алғаш 1940 жылы Шиелі МТС-ндағы 3 айлық тракторшылар курсын бітіріп, ауданда тұңғыш трактор тізгіндеген әйел атанды. Мехнатты тірліктің маңайындағы механизатор сол тұста тәулігіне 20 сағат бойы үздіксіз еңбек етті. Осылайша соғысқа кеткен азаматтардың орнын жоқтатпады. Егіс даласында шыңдалған Шырынкүл Қазанбаева тек трактор тізгіндеумен тоқтаған жоқ. 60-шы жылдары даңқты күрішші, Ыбырай Жақаевтан тәлім алды. Дала академигінің өнегесі еш кетсін бе? Іле күріштің әр гектарынан 55-70 центнерден өнім алып, көпті тәнті етті. Әрине бұл таңның атысынан, күннің батысына дейін борбайынан су кешіп, бейнет шеккен ана еңбегінің жемісі.

Шырынкүл Қазанбаева – Социалистік Еңбек Ері

Абыз ана өнегелі өмірінде еселі еңбегімен елдің елеулісіне айналды. Техниканы тізгіндеп, жер тырмалап, егін де екті. Даңғайыр диқан Ыбырай Жақаевтың өнегесінен өрістеп, қиын қыстау тұста елге пана, ерге ана да болды. Ал жасы сексенге келгенше атыз аралап, күріш еккені аңызға бергісіз әңгіме. Сондықтан оның ғазиз бейнесі ел есінде мәңгі сақталады.Әрине ел анасы еңбегіне орай марапаттан кенде болған жоқ. «Социалистік Еңбек ері» атанып, Ленин, «Еңбек Қызыл ту», «Құрмет белгісі» ордендеріне ие болды. Десе де еңбек адамының ең үлкен марапаты елдің алғаусыз алғысы, ықыласы. Ол жерге Сырдың «Ақмаржанын» ексе, ел жүрегіне ақ көңілін қондырды. Сонысымен ел жадында жаңғырады! Абыз ананың намазы ертең сағат 10:30-да Шиелі ауданы, Нартай Бекежанов ауылында өтеді.

Елжас Әбділда

Тақырып бойынша материалдар

Жолда қалған жолаушылар құтқарылды
15:21, 11 желтоқсан 2018
Жолда қалған жолаушылар құтқарылды
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...