ШҰҒЫЛ! Полицейлер күні аталып өтті Толығырақ

Хабарсыз кеткен соғыс ардагерінің жерленген жері табылды

20:04, 22 мамыр 2018

Хабарсыз кеткен Ұлы Отан соғысы ардагерінің жерленген жері табылды. 1900 жылы туылған жерлесіміз Менбай Тасқараев 1943 жылы Смоленск жеріндегі ұрыста қаза болған екен. Бұл мәлімет боздақтың әулетіне 75 жылдан кейін жетіп отыр. Қазір жауынгердің денесі Ресейдің Смоленск облысындағы «Еске алу алаңы» мемориалдық кешенінде жерленген.

Жалағаштың тумасы Менбай Тасқараев 1942 жылы Қармақшы аудандық комиссариаты арқылы майданға аттанған. Сол мезеттен ата-ана қан майданға кеткен баласынан, жұбайы жан жарынан, кішкентайы  әкесінен хат-хабарсыз қалды. Жеңіс туы желбіреп, жауынгерлер елге оралды. Бірақ, Менбай Тасқараевтан жақындары еш хабар ала алмады. Сол белгісіздікке, міне, енді ғана нүкте қойылды. Боздақтың қаза тапқанына 75 жыл өткенде туған-туысы оның қайда жерленгені туралы хабарға ие болды.

Рысты Танибаева – немересі  

Кеңес Одағының батыры Хренов атындағы іздеу бірлестігінің отрядтары 2017 жылғы далалық іздеу жұмыстары нәтижесінде 26 жауынгердің мүрдесін тапқан. Солардың қатарында Қызылорда облысының азаматы Тасқараев Менбайдың бар екені анықталды. Дерек фейсбукке, сайттарға жарияланып,  онан  соң арнайы бірлестік, қорларға жіберілді. Облыстық қорғаныс істері жөніндегі департамент пен жұмылдыру дайындығы басқармасының бірлескен жұмысының нәтижесінде жауынгердің ұрпағын табу қиынға соққан жоқ. Боздақтың туыстарына республикалық «Генералдар кеңесі» қоғамдық қоры арқылы оның Ресейдің Смоленск облысындағы әскери мемориалда жерленгені туралы арнайы  сертификат табысталды.

Ардақ Әбішева – облыстық жұмылдыру дайындығы басқармасының қызметкері

 Осылайша соғыс ардагерінің ұрпақтары  жауынгер аталарының жерленген орны туралы мәліметке қол жеткізді .Деректер  хабарсыз кеткен майдангердің 1943 жылы Смоленск түбінде болған шайқаста қаза болғанын айғақтап отыр.

Ш.Исабекова

Тақырып бойынша материалдар

Танымал жаңалықтар

Сол жағалаудағы  көшелердің біріне Т.Әбдірашевтің есімі беріледі
11:29, 19 маусым 2018
Сол жағалаудағы көшелердің біріне Т.Әбдірашевтің есімі бері...
Толығырақ...
Үкіметтік емес ұйымдар жұмысы дамудың жаңа белесінде
16:31, 18 маусым 2018
Үкіметтік емес ұйымдар жұмысы дамудың жаңа белесінде
Толығырақ...
Үздік стартап-кәсіпкерге 1 миллион теңге сыйақы беріледі
16:06, 18 маусым 2018
Үздік стартап-кәсіпкерге 1 миллион теңге сыйақы беріледі
Толығырақ...