ШҰҒЫЛ! Елбасының қатысуымен жалпыұлттық телекөпір өтеді Толығырақ

Қайырымдылық жасасаң, қайырын өзің көресің

17:24, 9 тамыз 2018

Шиелі ауданында Елбасының «Болашаққа бағдар: рухани жаңғыру» бағдарламасы аясында өтіп жатқан «Жомарт жүрек» байқауының жеңімпаздары анықталды. Туған жердің көркеюіне үлес қосып, мұқтаж жандарға көмек қолын созған қайырымды азаматтарға аудан әкімі құрмет көрсетті.

Ауданның әлеуметтік экономикалық дамуына үлес қосып жүрген белгілі меценат Бауыржан Көпеев «Жыл тұлғасы» номинациясының иегері атанды. «Төңкеріс» шаруа қожалығының төрағасы әлеуметтік жағдайы төмен, көпбалалы отбасыларға және мүмкіндігі шектеулі балаларға жыл сайын қайырымдылық көрсетіп келеді. Іскер азамат биыл тағы бір игі бастаманы қолға алып, Төңкерісте жалпы құны 200 миллион теңге болатын спорт кешенінің құрылысын бастады.

СНХ: Бауыржан Көпеев - «Жыл тұлғасы» номинациясының иегері

   Тілші: Ал ауданда ірі әлеуметтік жобаларды жүзеге асырып, қайырымдылық шараларына белсене қатысып жүрген Дәулет Жұмабеков «Жыл меценаты» атанса,  елді мекендерді абаттандыруға ерекше үлес қосқан кәсіпкер Ербол Жеңсікбаев  «Туған өлке» номинациясымен марапатталды. Сонымен қатар, «Жылдың үздік ұйымы» номинациясы «Семізбай - U» жауапкершілігі шектеулі серіктестігіне берілсе, белсенді жас Ерболат Құрманбайұлына «Ерен еріктілік» номинациясы табыс етілді. Айта кетейік, акцияға қатысқан басқа да «жомарт жүрек» иелері аудан әкімінің алғыс хатымен марапатталды.

Ерболат Жылқайдарұлы-кәсіпкер

Шиеліде «атымтай жомарт» атанған қайырымды азаматтар   жетерлік. Осындай қолы ашық, жүрегі кең жандардың қатысуымен жыл басынан бері көмекке мұқтаж тұрғындарға 5 миллион теңгеге материалдық  көмек көрсетілді.   

Әшім Оразбекұлы-Шиелі ауданының әкімі

«Жомарт жүрек» республикалық конкурсының мақсаты да осы, қайырымды жандардың есімін елге танытып, олардың игі ісін үлгі ету.  Айта кетейік, аудандық кезең жеңімпаздары енді облыстық байқауға қатысатын болады.

Ә.Жолтаев

Тақырып бойынша материалдар

Танымал жаңалықтар

Елбасының қатысуымен жалпыұлттық телекөпір өтеді
15:44, 11 желтоқсан 2018
Елбасының қатысуымен жалпыұлттық телекөпір өтеді
Толығырақ...
«ЖИТС»-ке қарсы күрес айлығы қорытындыланды
20:44, 10 желтоқсан 2018
«ЖИТС»-ке қарсы күрес айлығы қорытындыланды
Толығырақ...