ШҰҒЫЛ! Елбасының қатысуымен жалпыұлттық телекөпір өтеді Толығырақ

Қорқыттан қалған қоңыр үн

12:03, 12 маусым 2018

Қармақшы ауданында «Қорқыттан қалған қоңыр үн» атты облыстық балалар байқауы өтті. Өнер сайысы Елорданың 20 жылдығы, Қызылорданың қос ғасырлық мерейтойы, ауданның 90 жылдығына арналып отыр. Қазақ халқының жыраулық, күйшілік, әншілік дәстүрлерін насихаттау мақсатындағы бұл байқау жас өскіндердің талантын оятып, талабына дем берді.

Байқауға қатысушылар «Дәстүрлі ән-жыр өнері», «Дәстүрлі күй өнері»  жанрлары бойынша бақ сынады. Аталмыш өнер бәйгесіне Қызылорда қаласы мен Арал, Қазалы, Жалағаш, Сырдария,  Қармақшы, Жаңақорған аудандарынан 30 талапкер қатысты. Алғашқы құттықтау сөз кезегін Қармақшы аудандық мәдениет және тілдерді дамыту бөлімінің басшысы Нұршат Наурызбаева алып, байқауға қатысушыларға сәттілік тіледі. Өнер додасына облысымызға белгілі ақын-жыраулар мен күйші-сазгерлер қазылық етті.

Майра Сәрсенбаева – облыстық халық шығармашылығын дамыту және мәдени-продюсерлік орталығының сектор меңгерушісі

Серік Жақсығұлов – аудандық жыраулар үйінің директоры

Байқауда домбыра шанағынан әсем күй төгіліп, ерекше мақамда жырлар орындалды. Бұл өз тінін жоғалтпаған өнер құндылығымыздың өміршеңдігін айғақтайды. Өнер сайысында айрықша қабілетімен танылып, талантын паш еткен өнерпаздар жеңіс тұғырынан көрінді. «Дәстүрлі күй» жанры бойынша кіші топтан қармақшылықтар Алтай Шыңғыс пен үлкен топтан  Мадияр Жайсаңбаев бас жүлде иеленді. Ал «Дәстүрлі ән-жыр» жанры бойынша кіші топтан сырдариялық Рысбек Жанұзақ пен үлкен топтан қызылордалық Нұрайым Ерталапқызы жеңіс төрін бағындырды.

Нұрайым  Ерталапқызы – бас жүлде иегері

Жыраулық өнер  бүгінгі күнге дейін  атадан балаға қаймағы бұзылмай жетіп, қымбат қазынаға айналды.  Талабы таудай жас ұрпақтың дәстүрлі өнерімізді ұлықтауы - тамыры терең тәлім мен Тәңір берген таланттың құдыреті.

Айғаным Құрмашова

Тақырып бойынша материалдар

Жолда қалған жолаушылар құтқарылды
15:21, 11 желтоқсан 2018
Жолда қалған жолаушылар құтқарылды
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...