ШҰҒЫЛ! Жолдау жаңаша бағытқа жол сілтеді Толығырақ

Мейірімділік мекені

16:21, 8 қараша 2018

Мейірімділік мекеніне айналған орталық. Талсуат елді мекеніндегі арнаулы қызметтер көрсету балалар орталығы еліміз бойынша «Үздік медициналық-әлеуметтік мекеме» болып танылды.

Көңілдері жабырқау жандардың жүйкесіне салмақ болмасын деген алаң көңілмен жолдаған сауалымызға тосылмай тіл қатқан он екі жастағы Фархад бұл. Туғанынан осы орталықта тәрбиеленуді тағдырына жазған өрен жанына түскен ауырпалықты өз өнерімен жеңген балалардың бірі. Сахнада сергек сөйлейді. Әуелетіп ән шырқайды, нақышына келтіріп көркем сөз оқиды. Тәулік бойы тірек-қимылы бұзылған балалардың бар жағдайын жасап, бәйек қағатын қызметкерлердің де көңілін бір сәт сергітетін серіңіз де осы. Жалпы Талсуат елді мекеніндегі арнаулы қызметтер көрсету балалар орталығында бүгінде 124 балаға стационарлық және жартылай стационарлық деңгейде қызмет көрсетіліп келеді. Жас ерекшеліктері 3 пен 18 жас аралығы. Олардың 54-і үйлерінен тасымалданып, күндізгі уақытта ем-дом шараларын қабылдаса, 70 бала осы орталықтың тұрақты тұрғындарына айналған. Тәрбиеленушілердің қатарында айлап, жылдап жақындарымен кездесіп тұратындар бар, ал мұндағы үш баланың нақты ата-анасының кім екені белгісіз. Бұл бағыттағы жұмыстарды соңғы үш жылда ұдайы назарда ұстаған орталық директоры 40 баланың әлеуметтік статусын анықтапты.

Айгүл Шамшатова - арнаулы әлеуметтік қызметтер көрсету балалар орталығының директоры

Тірек-қимылы бұзылған балаларға сауықтыру, оңалту шараларының барлық түрлері ұйымдастырылған. Емдік дене шынықтыру мамандарымен бірге психолог, логопед, дефектологтар түзету-дамыту жұмыстарын үнемі жүргізеді. Соңғы үлгідегі жабдықтардың да тигізер пайдасы мол.

 Мереке Бекқұлиева - арнаулы әлеуметтік қызметтер көрсету балалар орталығы медицина бөлімінің меңгерушісі

 Сондай-ақ мұнда тұрмыс жағдайына жақындатылған арнаулы әлеуметтік қызметтерді ұсыну жолға қойылған. Тәрбиешілер балаларды өз бетінше әрекет етуге баулиды. Он жылдан бері балалардың сөйлеу қабілетін дамытып, олармен жиі пікір алмасатын Нұргүл Рүстекова әрбір баланың жетістігіне қуанатын жандардың бірі.

Нұргүл Рүстекова – логопед

Орталықта қол-аяғы еркіне бағынбаған балалардан бөлек 31 бүлдіршін төсекке таңылған. Күн сайын олардың күтімін жасаған дәрігерлер аялы алақанымен баланың басынан сипауды да ұмытпайды. Өйткені оларға «тек емдік шаралар емес, мейірімділік те соншалықты қажет»,- дейді ақ халаттылар. Орталықтың ең басты жетістігі осындағы оңалту шараларынан соң алты бала өз үйлеріне оралыпты. Міне, біз көрген үздік медициналық - әлеуметтік мекеменің тынысы осы.

Асқар Тәжиев

Тақырып бойынша материалдар

"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
17:34, 16 қараша 2018
"ҚҰДАҒИ КЕЛІПТІ" КОМЕДИЯЛЫҚ ҚОЙЫЛЫМНЫҢ ПРЕМЬЕРАСЫ
Толығырақ...

Танымал жаңалықтар

Қожамберді батырға ескерткіш орнатылды
09:34, 12 қараша 2018
Қожамберді батырға ескерткіш орнатылды
Толығырақ...