ШҰҒЫЛ! Шатырдан аққан жаңбыр суы тұрғындарды шаршатты Толығырақ

Мен ғашықпын...

19:23, 16 сәуір 2018

Облыстық халық шығармашылығын дамыту және мәдени-продюсерлік орталығы тәрбиелік мәні зор шараға ұйытқы болды. Шығармашылық ұжым аймақ жастарының арасында облыстық өнер сайысын ұйымдастырып, үздік жұптарды іріктеді. Мақсат –ұлттық салт-дәстүрімізді дәріптей отырып, жас ұрпақтың махаббатқа деген құрметін, шынайы сезімге деген ықыласын арттыру.

Махаббат – ең асыл, кіршіксіз таза, тұп-тұнық мөлдір сезім. «Қозы мен Баян», «ҚызЖібек пен Төлеген», «Еңлік-Кебек», «Ләйлі-Мәжнүн», «Естай мен Қорлан» атты жұптар шынайы махаббаттың символдары, іңкәр сезімнің иелері ретінде ел аузында қалған. Ал ауыз әдебиетіндегі аңыз-ертегілерде, бертін келе  қисса-дастан, тарихи жырларда, поэзия әлемінде қаламгерлер ғашықтық сезімінің ғаламатын шығармасына арқау етті. Өйткені махаббат – таусылмайтын тақырып, шалқар шабыт. Дегенмен, соңғы кезде қоғамда жастарымыз осынау асқақ сезімді еш бағаламайды, құрметтемейді, махаббаттың парқы тым жеңілдеп кетті деген пікір бар. Қызуқандылықпен жақсы көріп қалып, қызығушылықты шынайы сезімге балап, отбасы құрып, соңынан қос жұптың екі айрылып оңай кете баратыны да жасырын емес. Бұл байқау жастар арасында осындай олқылықтардың алдын алып, шынайы сезімді, ата дәстүрімізді  құрмет тұтуға  арналған.

Айдана Ақпанбетова – М.Мәметова атындағы Қызылорда педагогикалық жоғары колледжінің студенті

Өнер сайысына  облыс орталығымен қоса аудандардан барлығы 7 жұп қатысты. Конкурс шарты бойынша қатысушылар бейнеролик көрсетіп, салт-дәстүрге сәйкес таныстыру жасап, тарихтағы ұлы ғашықтар секілді сезімін білдіріп, ақындар өлеңінен үзінді оқыды. Сонымен қатар ғашық жұптар бойдағы өнерін паш етіп, салт-дәстүрге қатысты сауалдарға да жауап берді.

         Жансая мен Нұртаза өмірде бір-біріне ғашықтардай ынтызар болмағанымен, сайыста сезімнің тазалығын, пәктігін көрсетіп, нағыз ғашықтарды сомдай білді. Әріптестердің мұндай байқауға алғаш рет қатысуы.

Жансая Басбайқызы – Арал аудандық мәдениет үйінің қызметкері

Интершум

Қазылар алқасына жанарында сезім, жүрегінде жалыны бар, салт-сананы берік ұстанған әдепті де әдемі жұпты таңдау оңай соқпады.

Ғазиза Жүнісова - облыстық халық шығармашылығын дамыту және мәдени-продюсерлік орталығының бөлім меңгерушісі

Шын ғашық жұптарды анықтап, бойына сезім мен дәстүрді қатар сіңірген жастар марапат төрінен көрінді. Сайыстың бас жүлдесіне қармақшы аудандық ішкі саясатының маманы Берік Айтов пен балабақша тәрбиешісі Гаухар Төлебаева ие болды. Ибалы да инабатты жұп сайыс шарттарынан даналығымен, даралығымен ерекшелене түсті. Көрерменді нағыз ғашықтарға тән іңкәр сезімдерімен баураған жеңімпаз жұп қаланың керемет бір мейрамханасында романтикалық кешке жолдама алды.

Шолпан Исабекова

Тақырып бойынша материалдар

Qazaqstan TV қосымшасы енді Сіздің телефоныңызда!
17:02, 25 сәуір 2018
Qazaqstan TV қосымшасы енді Сіздің телефоныңызда!
Толығырақ...

Танымал жаңалықтар

ТОҚАБАЙДАН ТАЙСОНДАР ШЫҚСА, ТАҢҚАЛМАҢЫЗ!
20:55, 19 сәуір 2018
ТОҚАБАЙДАН ТАЙСОНДАР ШЫҚСА, ТАҢҚАЛМАҢЫЗ!
Толығырақ...