ШҰҒЫЛ! Елбасының қатысуымен жалпыұлттық телекөпір өтеді Толығырақ

«Мен қазақпын» мега жобасының облыстық кезеңіне 25 өнерпаз қатысады

11:45, 12 маусым 2018

Ұлттық арнаның ұйытқы болуымен бастау алған «Мен қазақпын» мега жобасының аудандық, қалалық кезеңдері аяқталды. Жүзден жүйрік шыққан талантты өнерпаздар енді облыстық кезеңде бақ сынамақ. Ұлттық өнерді ұлықтап, өскелең ұрпаққа насихаттау мақсатындағы байқаудың облыстық кезеңі қашан өтеді және оған кімдер қатысады?

Бұл туралы облыстық «Qyzylorda» телеарнасының директоры Жағыппар Қарабала бұқаралық ақпарат құралдары өкілдеріне берген баспасөз мәслихатында кеңінен айтып берді. Ұлттық құндылықтарымызды ұлықтап, төл өнерді төрге шығаруды мақсат еткен мега жобаның тағлымы терең, өнегесі өлшеусіз.  Себебі, бұл байқауда көнеден күмбір тартқан дәстүр дәріптеліп, құндылықтар құнтталады. Жобаның аудандық және қалалық кезеңіне барлығы 86 үміткер қатысып, өз өнерлерін ортаға салған болатын. Нәтижесінде олардың арасынан 25 өнерпаз іріктеліп, облыстық кезеңге қатысуға мүмкіндік алды. Тағлымдық мәні зор құнды қазынамызды ұлықтап жүрген талантты жастар енді келесі кезеңде өнер көрсетеді. Айта кетейік, «Мен қазақпын» мега жобасының облыстық туры 17 маусым күні сағат 11:00 де  Асқар Тоқмағамбетов атындағы қалалық мәдениет үйінде өтеді.  Байқау қорытындысымен дәстүрлі ән, терме және күй жанры бойынша бір-бір жеңімпаз анықталып, республикалық кезеңге жолдама алады.

Жағыппар Қарабала – «Қазақстан»РТРК» АҚ Қызылорда облыстық филиалының директоры

Тақырып бойынша материалдар

Жолда қалған жолаушылар құтқарылды
15:21, 11 желтоқсан 2018
Жолда қалған жолаушылар құтқарылды
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...