ШҰҒЫЛ! Елбасының қатысуымен жалпыұлттық телекөпір өтеді Толығырақ

Мұнай ұрлығы: қорғаушылар сотталушылардың жазасын жеңілдетуді сұрады

09:06, 24 мамыр 2018

Қара алтын айналасында шаруасын заңсыз дөңгелетті деп айып тағылған 21 адамға қатысты қылмыстық іс бойынша сот процесі аяқталуға жақын. Үш айға созылған сот талқылауы бүгін жарыссөзге ұласты. Естеріңізге салайық, мемлекеттік айыптаушылар облыс аумағында «Жүнісов-Көшекбаев» және «Басықараевтың» басшылығындағы ұйымдасқан қос қылмыстық топ заңға қайшы әрекет етті деп отыр. Тағылған айып та ауыр. Бірнеше бап бойынша қылмыстық іс қозғалған.

СТЕНДАП Мөлдір Құлмырзаева  - тілші: Ұйымдасқан қылмыстық топқа қатысы бар деген күдікке іліккендердің  алды өткен жылдың мамыр айында ұсталған болатын.  Тура  бір жыл болды. 12-сі қамауда.  Сот отырысы басталғалы  барлық сотталушыдан жауап алынды, іс бойынша жәбірленушілер мен куәлар түгел сұралды. Сот талқылауы кезінде кінәсін толықтай мойындап, процестік келісім  жасасуға ниет білдіргендер де болды. Бүгінгі жарыссөзде таразыланып, електен өтетін әрбір дәйек сотталушылардың алдағы тағдырына ықпал етпек. Қазір бір емес, 21 адамның, яғни 21 шаңырақтың тағдыры қыл үстінде тұр.

ТІЛШІ: Мәселенің ұрымтал тұсы осы. Сотталушылардың қай-қайсысы  да бір –бір үйдің қожайыны. Бірақ, ел байлығына қожалық етіп, расымен оңай олжаға кенелген болса, заң - біреу. Өтеуі – жаза. Сондықтан жарыссөзге сайланып келген қорғаушылар қалтарыста қалып қойған дәлелдемелерді соттың назарына ұсынуға  барын салуы тиіс.  Алғашқы боп сөз алған мемлекеттік айыптаушылар  сот төрағасынан қылмыстық іс бойынша кінәлі деп тапқан сотталушыларды ең кемі 4 жылдан 12 жылға дейін бас бостандығынан айыруды сұрады.

ИНТЕРШУМ / мемлекеттік айыптаушы/

Сотталушы Кушекбаевқа жаза тағайындағанда жазасын жеңілдету мән .ж. шын ниетпен өкініп, қылмысбұзушылықты ашуға белсенді түрде ықпал етті. Түпкілікті 8 жыл бас бостандығының айыруға, сотталушы Басықараевқа 12 бас бостандығынан айыруға.

ТІЛШІ: Тергеудің нұсқасы бойынша, заңсыз қара алтын бизнесін жүргізген серкелердің тізімінде жергілікті кәсіпкерлер, мұнай компанияларының, күзет фирмалараның қызметкерлері және оларға «қамқорлық» көрсеткен құқық қорғау органдарының лауазымды тұлғалары бар. Айталық, облыстық ішкі істер департаменті ұйымдасқан қылмыспен күрес басқармасының бұрынғы басшысы Берік Өтенов бұған дейін мұнай өнімдерін тасымалдаушыларға «оңды ықпал еткені  үшін» 600 мың теңге көлемінде ақы алғанын мойындаған болатын. Сөз кезегі қорғаушысына келді.  

ИНТЕРШУМ ҚОРҒАУШЫ/ Утенов сот тергеуінде Қойбағаровтан барлығы 600 мың теңге алғанын мойындап, осы әрекеті үшін қынжылып кешірім сұрайтынын білдірді. Сол себепті сотталушы Қойбағаровтан 600 мың тг алған лауазымды тұлға ретінде оның қылмыстық әрекетіне ҚР Қылмыстық Кодексінің 361 бабы 2 бөлігімен саралануға жатады деп есептеймін. 

Тілші:  Ал Асланбек Бекжановты қос адвокат қорғауда. Бір үйдің жалғыз баласын бас бостандығынан айырмауды сұрап отыр.

ИНТЕРШУМ / Жасаған қылмысын толығымен мойындап келді. КАИС сервистегі жер асты цистерналарын көрсетті. Шын жүректен өкінетінін айтты. Қылмысты ашуға белсене атсалысты/

Тілші: Мұнан соң сотталушы Баянов пен Дәрібаевтың қорғаушылары да өз уәждерін айтып, жазаны жеңілдететін мән-жайларға тоқталды. Осылайша  149 томнан тұратын қылмыстық іске нүкте қоятын кез таяп қалды. Біздің міндет – ақпаратты дұрыс жеткізу. Ал істің ақ-қарасын ажыратып,  қара қылды қақ жару судья Асхат Сабыровтың еншісінде.   

Мөлдір Құлмырзаева

Тақырып бойынша материалдар

Жолда қалған жолаушылар құтқарылды
15:21, 11 желтоқсан 2018
Жолда қалған жолаушылар құтқарылды
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...