ШҰҒЫЛ! АЙМАҚ БАСШЫСЫ ШЫНЫ ЗАУЫТЫНЫҢ ҚҰРЫЛЫСЫМЕН ТАНЫСТЫ Толығырақ

Өнегелі өмір насихаты

16:02, 10 қыркүйек 2018

Биыл қоғам қайраткері, тыл ардагері Бекен Мұсаевтың туғанына 85 жыл толып отыр. Саналы ғұмырында аймақтың өсіп-өрекендеуіне сүбелі үлес қосқан азаматтың есімін ұлықтау мақсатында жас қалам иелерінің арасында байқау ұйымдастырылып, күні кеше өз мәресіне жетті.

Бекен Мұсаев 1933 жылы Шиелі топырағында туған. Еңбек жолын ұстаздықтан бастаған ол кейін партия ісіне белсене араласқан. Сыр өңірінің дамуына үлес қосқан жан «азаматтық ұстанымымен ғана емес, биік парасатымен жарасымды тірліктің ұйытқысы бола білетін» дейді замандастары. Мазмұнды шарада сөз алған облыс әкімінің орынбасары Бекен Мұсаевтың өнегелі өмір жолына тоқталды.

Руслан Рүстемов – облыс әкімінің орынбасары

 Журналист болу Бекен Мұсаевтің арманы еді. Дегенмен өзге салада жүрсе де қолынан қаламын тастамаған ол рухани тақырыптарды тереңінен қозғап, оқырманға ой саларлық талай туындыны қағаз бетіне түсірді. Сан қырлы қасиетімен елдің есінде сақталған тұлғаның есімін жаңғыртуға бағытталған байқауға  30-ға жуық қатысушының жұмыстары ұсынылыпты. Қазылар алқасының шешімімен қала тұрғыны Сергей Коновалов байқау жеңімпазы деп танылып, 100 мың теңгенің сертификаты табысталды.

Нұрлан Мұсаев – Б.Мұсаевтың ұлы

Мұнан өзге бірқатар қатысушылар жүлдегерлер қатарынан табылып, қаржылай сыйлықтармен марапатталды.

Асқар Тәжиев

Тақырып бойынша материалдар

Танымал жаңалықтар

Абылайдың қара жолы» экспедициясы – Сыр елінде
18:52, 24 қыркүйек 2018
Абылайдың қара жолы» экспедициясы – Сыр елінде
Толығырақ...