ШҰҒЫЛ! Ауылды ұйқысынан оятқан оқиға Толығырақ

Сақтық шаралары күшейді

20:12, 10 қаңтар 2019

Мамандар өзен деңгейін күнделікті бақылауда ұстап отыр. Бүгіннен бастап көршілес облыстан келетін су көлемі 100 текше метрге азайды дейді сала мамандары.

Бүгіннен бастап Шардара су қоймасынан төмен қарай секундына 800 текшеметр су босатылуда. Оның 400 текше метрі Көксарай кесесіне құйылса, қалған бөлігі өзен арнасына жіберілуде. Ал облыс аумағындағы тораптардағы су деңгейі ұдайы бақылауда.

Әділхан Қарлыханов - Арал-Сырдария бассейндік су шаруашылығы инспекциясының басшысы

 Жалпы өзен жағасындағы қорғаныс бөгеттерінің ұзындығы 609 шақырымды құрайды.  Дария бойында 56 қауіпті аймақ бар. Осал тұстарды қадағалауға 111 мекемеден 425 техника мен 1270 адам жұмылдырылған. Арал, Қазалы аудандарында мұздың қалыңдығы 15 сантиметрге жуықтаса, қала маңында 10 сантиметр. Мамандар негізгі қауіп сеңнің жүруі мен иірімдерде күрдің ұстасуынан келеді дейді. Бұл жағдайға ауа-райының құбылмалылығы әсер етіп отыр.

Жұлдыз Қалымбетова – «Қазгидромет» РМК облыс бойынша филиалының директоры

Тасбөгет су бекетіндегі белгі қазірде 704-ті көрсетіп тұр. Қауіпті деңгей 740-тан басталады. Облыстық жұмылдыру дайындығы басқармасы басшысының айтуынша, қауіпті тұстарда 1,5-2 метр қосымша қорғаныс бөгеттері бар. Дегенмен сақтық шараларын бір сәт те естен шығармаған абзал.

Асқар Тәжиев

Тақырып бойынша материалдар

Танымал жаңалықтар

Муай-тай жекпе-жегінен ел Кубогы өтуде
17:47, 21 наурыз 2019
Муай-тай жекпе-жегінен ел Кубогы өтуде
Толығырақ...