ШҰҒЫЛ! Елбасының қатысуымен жалпыұлттық телекөпір өтеді Толығырақ

Сара сөзден інжу терген

19:07, 16 сәуір 2018

«Адамдықтың да, мамандықтың да биігіне тұрақтаған жан». Аудандық газетте ширек ғасырға жуық табан аудармай жауапты қызмет атқарып келе жатқан Баян Үсейіноваға көпшілік осылай баға береді. «Жаңақорған тынысы» аудандық қоғамдық-саяси газетінің 85 жылдығы аясында жазарман журналистің 50 жылдық мерейтойы аталып өтті.

«Сара сөзден інжу терген». Кеш атауы. Шынында да Баян Үсейінова әр сөздің бағасын бағамдап, құнын құнттаған қағылез қаламгер. Елдің көкейіндегі қордалы мәселелерді қопарып жазудың шебері. Журналистика саласындағы ширек ғасырлық белесте өзіндік орнын қалыптастырып, маңызды мақалаларымен оқырман қауымның ыстық ықыласына бөленіп келеді. Сондықтан мерейлі кеште еселі еңбегі еленіп, облыстың құрмет грамотасымен марапатталды.

Интершум: /Марапат/

Баян Үсейінова әмбебап журналист. Әйтсе де соңғы жылдары әлеуметтік сала мен руханият тақырыбында тереңнен толғап жүр. Шырайлы кеште оның осы озық қыры сөз болды. Үй мен түздің шаруасын қатар қамдаған жанның ұл-қыздары да шығармашылықтан кенде емес. Ал білгенін бойында бүкпей бүгінгі буынмен бөлісуі көрегенділігін көрсетеді.  

Әлібек Жарықбаев – аудандық «Жаңақорған тынысы» газетінің тілшісі

Осылай жастарға бағыт беріп, 85 жылдық тарихы бар «Жаңақорған тынысы» газетінің кең тыныстауында Үсейінованың үлгілі жолы ерек. Мерейтойлық шарада ақындар ақжарма тілектерін өлеңмен жеткізсе, аға буын есті естеліктерімен бөлісті. Сондай-ақ, аудан өнерпаздары қаламгердің «Қос мұңлық» мақаласы желісі бойынша көпшілікке театрландырылған көрініс ұсынды.

Интершум: /Көрініс/

Бағамдасаңыз кеш иесі күнделікті күйбең тіршілікті ресми сарында ақпараттандырушы ғана емес, өмірдің өзекті мәселелерін бұқараға бәз қалпында жеткізуші. Солайша көпке ой салуды мақсат тұтқан тәлімді қаламгер. Сонысымен көп ішінде дараланады.

Күләш Ахметова – ғалым, жазушы

Қаныбек Әбдуов – «Сыр медиа» ЖШС бас директорының орынбасары

Иә, шығармашылық иесі шыбықтайынан шыңдалуының арқасында шығар шыңына шындығымен жетті. Ал бүгінгі белестің бастауында мамандық пен адамдықтың үйлесімділігі жатыр.

Баян Үсейінова – Қазақстан Жазушылар одағының мүшесі, журналист

Кез-келген қаламгердің мәртебесі – көз майын тауысып жазған дүниесі далада қалмай, оқырманның ой сандығынан орын алуы. Бұл ретте Баян Үсейінова олжалы журналистің бірі. Демек, оның сара сөзден інжу терген өмір жолы дара! Интершум: /Қызыма әні/ 

Елжас Әбділда

Тақырып бойынша материалдар

Жолда қалған жолаушылар құтқарылды
15:21, 11 желтоқсан 2018
Жолда қалған жолаушылар құтқарылды
Толығырақ...

Танымал жаңалықтар

Салық базасын ұлғайтуға арналған кешенді жоспар бекітілді
16:08, 5 желтоқсан 2018
Салық базасын ұлғайтуға арналған кешенді жоспар бекітілді
Толығырақ...
Жанкент шаһары тарихи жәдігерлер ордасы
19:02, 6 желтоқсан 2018
Жанкент шаһары тарихи жәдігерлер ордасы
Толығырақ...