ШҰҒЫЛ! ОБЛЫС ӘКІМІ ЖАРТЫ ЖЫЛДЫ ҚОРЫТЫНДЫЛАДЫ. Толығырақ

Сауапты сенбілік

19:19, 16 сәуір 2018

Облыстық табиғи ресурстар және табиғат пайдалануды реттеу басқармасының бастамасымен орталық «Ақмешіт-Сырдария» мешітінің ауласы абаттандырылды. Сүйікті қаламыздың 200 жылдық мерейтойына орай ұйымдастырылған ізгілікті іске қала әкімдігіне қарасты 8 мекеменің мамандары үлес қосты.

Көпшіліктің құлшылық ордасы орталық «Ақмешіт-Сырдария» мешітінің сол жақ беткейі көптен бері игерусіз жатқан-ды. Енді міне табиғат жанашырларының ұйытқы болуымен тыңнан түрен салынып, айнала абаттануда. «Қызылордасушаруашылығы» еншілес мемлекеттік кәсіпорны игілікті істің басы-қасынан табылған мекеменің бірі. Байыпты бастамаға құлшыныс танытқан сушылар ә дегеннен жұмысқа жең түре кірісіп кетті.             

Жорабек Нұрымбетов –  «Қызылордасушаруашылығы» еншілес мемлекеттік кәсіпорнының директоры

 Үлгілі шараға қала әкімдігіне қарасты 8 мекемеден 300-ге жуық адам атсалысты. Бұл күні мешіт маңына жергілікті климатқа төзімді Сыр талымен қатар, бірнеше жеміс ағаштары отырғызылды.

Интершум:/Тал егу/

Осылайша ізгі бастама аясында мешіт ауласына 12 мың түп көшет отырғызылмақ. Сондай-ақ, құлшылық үйіне жақын маңды жасыл желекке айналдыру көзделуде. Бұл жас ұрпақты жақсылыққа жетелей отырып, көпке үлгі боларлық сауапты іс.  

Болатбек Әбуов – ҚМДБ-ның облыс бойынша өкілі, орталық «Ақмешіт-Сырдария» мешітінің бас имамы

Сауапты сенбілікте мамандар тек тал егумен шектелген жоқ. Мешіт ауласын абаттандырып, тазарту жұмыстарын да жүргізді. Бастысы бұл бір реттік шара болып қалмайды. Еріктілер еккен әр шыбық мәуелі баққа айналғанша күтіп бапталады.

Болат Бисенбаев – облыстық табиғи ресурстар және табиғат пайдалануды реттеу басқармасының бөлім басшысы

Осылайша табиғат жанашырлары ізгілікті іске ұйытқы болды. Енді бұл бастама көпке үлгі болса құба-құп.

Елжас Әбділда

Тақырып бойынша материалдар

Танымал жаңалықтар

Мәскеу-Қызылорда әуе рейісі алғашқы сапарын жасады
18:18, 16 шілде 2018
Мәскеу-Қызылорда әуе рейісі алғашқы сапарын жасады
Толығырақ...