ШҰҒЫЛ! Ауылды ұйқысынан оятқан оқиға Толығырақ

Сот жүйесін дамытудағы нақты қадам

18:27, 8 қаңтар 2019

«Сот төрелігінің 7 түйіні» аймағымызда қалай жүзеге асырылып жатыр? Пилоттық бағдарламалардың тиімді тұсы қайсы? Бұл сауалдарға жауап беру үшін сала мамандары бұқаралық ақпарат құралдары өкілдеріне арнайы пресс-тур ұйымдастырды. 

«Мінсіз судья», «Үл­гі­лі сот», «Әділ процесс», «Е-сот», «Сапалы нәтиже», «Оң­тайлы орта», «Сотсыз тату­ласу орталығы». Осы жеті бағыт -  2020 жылға дейінгі сот жүйесін дамыту тұжырымдамасының не­гізі. Сот жүйесін жа­ңа даму деңгейіне көтеруді мақсат еткен бұл жобалардың басты мін­деті – қоғамның сотқа деген се­ні­мін арттыру. Облыстық сотта фронт офис орталығы ашылғалы 7 мыңға жуық адамға қызмет көрсетілген. Айта кетейік,   мұнда ақпараттық нүкте, кіріс кеңсесі және өзіне-өзі қызмет көрсету аймағы орналасқан. Ал «Судья көмекшісі» пилоттық жобасы аясында облыстық, қалалық және мамандандырылған ауданаралық-экономикалық сорттарының судьяларына 14 көмекші бекітілген.

Шолпан Маликова – облыстық сот судьясы

Облыстық сот музейінің жасақталуы да – өткен жылы атқарылған нәтижелі жұмыстардың бірі. Мұнда төрелігімен, даналығымен ел дауын шешкен үш биімізден бастап, егемендікке дейінгі және тәуелсіздік жылдары сот саласында еңбек еткен елеулі есімдер айшықталған. Әр кезеңдердегі судья мантияларын да мұндағы экспонаттар қатарынан табуға болады.

Жалпы, бүгінде сот төрелігін дамытудың алғышарттарының бірі – істі сотқа жеткізбей шешуге ықпал ету. Бұл мақсаттағы «Бітістіруші судья» жобасы азаматтық санаттағы істерді сотқа дейін медиация тәртібімен шешуді басшылыққа алған. Мұнда көбіне неке бұзу жөнінде келген қос тарапқа, араздасқан азаматтарға тиімді кеңестер беріліп, құқықтық жол көрсетіледі. Нәтижесінде іс бітімгершілікпен шешілуде.

Кәмшат Сәдуақасова – қалалық сот судьясы

Сонымен қатар аймақтың сот жүйесінде виртуалды сот, түнгі сот жобалары қарқынды іске асырылуда. Мәселен, түнгі сот бойынша 59 әкімшілік құқықбұзушылық туралы іс қаралған.

Фемида өкілдерінің жұмысын жүйелі түрде дамытуды көздеген әрбір бағыт олардың жұмысына жауапкершілік жүктейді. 

Шолпан Исабекова

Тақырып бойынша материалдар

Танымал жаңалықтар

22:27, 13 наурыз 2019
Жаңақорғанда жүгеріден сусын шығаруда
Толығырақ...