ШҰҒЫЛ! Полицейлер күні аталып өтті Толығырақ

Судың сұрауы болып тұр

12:23, 12 маусым 2018

Биыл Шардара мен Көксарайдағы су көлемі бар болғаны 5 млрд текше метр. Өткен жылдың осы кезеңімен салыстырғанда 1,3 млрд текше метрге кем. Бұл алаңдатарлық жағдай. Сондықтан облыс басшылығы Үкіметке тиісті ұсыныстарды шұғыл түрде жіберуге жұмыс жасау үстінде.

Су мамандарының биыл тіршілік нәрінен тапшылық болады деген болжамы дәл келді. Дарияда су тым аз. Жергілікті билік осы ретте Үкіметке тиісті ұсыныстар әзірлеу үстінде.

Қырымбек Көшербаев – облыс әкімі

Биыл көктің нұры топырақ тоңына аз болып, диқандар тірлігін кеш бастауына тура келді. Десе де межедегі егіс орналастырылды.

 Бақыт Жақанов – облыстық ауыл шаруашылығы басқармасының басшысы

 Диқанның жұмысы тәуекелді қажет етеді, дейтұрғанмен егістің бәріне су жеткізу мәселесінің қалай болатыны әзірге беймәлім.

Әділхан Қарлыханов – Арал-Сырдария бассейндік инспекциясының басшысы

Шын мәнінде жағдай өте күрделі. Сондықтан су кестемен берілмек. Әсіресе Жаңақорған ауданындағы агросала өкілдері егіс көлемін күрт қысқартуға мәжбүр болып отыр. Мұндай жағдай барлық ауданға тән десек болады.

Ғалым Әміреев – Жаңақорған ауданының әкімі

Ахуал алаңдатарлық. Көп мәселе Үкімет деңгейінде шешілмек. Сонымен қатар, ардагер мұраптардың да ұсыныс, тәжірибесіне құлақ түру қажет деді облыс әкімі. Мәжілісте сондай-ақ балық шаруашылығын дамыту мен қорғау мәселесі сөз болды. Жыл басынан аумақтық инспекция балық қорғау заңнамасын бұзудың 239 фактісін анықтап, оның 129-на 1,5 млн теңгенің үстінде айыппұл салған. Көкарал шлюзінде су жәндігін қорғау жүйесінің болмауы салдарынан әлі күнге дейін балық біткен Ұлы теңізге кетіп қырылып жатыр. Каналдарда да сондай ахуал. Онда да қорғау жүйесінің жоқтығынан күріштіктерге сумен бірге балық ағылады. Жиында сонымен қатар, тарихи-мәдени мұраларды пайдалану және қорғау бойынша атқарылып жатқан жұмыстар барысы баяндалды. Және туризмді дамыту бағытындағы іс әрекет пен жоспарлар жайы таныстырылды.

«Қысқасы, қай істе болмасын қалғымай, мүлгімей, облыс мүддесі үшін ширақ түрде жұмыс жасаңдар», - деді облыс әкімі қатаң тапсырып.

А.Тұңғышбаева

Тақырып бойынша материалдар

Танымал жаңалықтар

Сол жағалаудағы  көшелердің біріне Т.Әбдірашевтің есімі беріледі
11:29, 19 маусым 2018
Сол жағалаудағы көшелердің біріне Т.Әбдірашевтің есімі бері...
Толығырақ...
Үкіметтік емес ұйымдар жұмысы дамудың жаңа белесінде
16:31, 18 маусым 2018
Үкіметтік емес ұйымдар жұмысы дамудың жаңа белесінде
Толығырақ...
Үздік стартап-кәсіпкерге 1 миллион теңге сыйақы беріледі
16:06, 18 маусым 2018
Үздік стартап-кәсіпкерге 1 миллион теңге сыйақы беріледі
Толығырақ...