ШҰҒЫЛ! Жолдау жаңаша бағытқа жол сілтеді Толығырақ

Сыр бойы – мыңжылдықтар мирасқоры

20:16, 19 сәуір 2018

«Тарихи мәдени мұра: тәжірибелер, мәселелер және даму болашағы». Осындай тақырыпта халықаралық ескерткіштер мен тарихи орындар күніне орай облыс орталығында республикалық семинар-кеңес өтті. Мәдени құндылықты құнттауға негізделген жиында әр өңірден келген сала мамандары маңызды мәселелерді талқылады.

Әр аймақтан келген меймандар әуелі Сыр бойының мың жылдық мұрасынан сыр шертетін көрме жұмысымен танысты. Мұнда ескі қалалардан табылған құнды жәдігерлер мен мазмұнды жинақтар топтастырылған. Сала мамандары Қазақстанның өңірлік қасиетті нысандары турасында өзара пікір алмасты.

Мұхамбетқали Кипиев – Атырау облыстық тарихи-мәдени мұраны қорғау, қалпына келтіру және пайдалану жөніндегі мемлекеттік инспекциясының басшысы

Көрме аясында қызылордалық археолог ғалымдар Сортөбе қалашығынан табылған жәдігерлердің құндылығына тоқталды. Сондай-ақ, тарихи орының ерекшелігін айғақтайтын бірқатар экспонаттарды Қармақшы аудандық тарихи өлкетану музейі мен Қорқыт ата мемориалдық кешеніндегі музейге тарту етті. 

Интершум: /Жәдігер тарту/

Мұнан әрі республикалық семинар-кеңес сала мамандарының маңызды мәселелерді талқылауына ұласты. Күн тәртібіндегі басты міндет -апатты ескерткіштерді дер кезінде қорғауға алу. Осы мақсатта облыста тарихи-мәдени мұраларды қорғау және пайдалану жөнінде ғылыми әдістемелік кеңес құрылып, бірнеше тарихи қалаларға зерттеу жүргізілді. Десе де бұл бағыттағы кешенді шараларды әлі де күшейту қажет. Бір ғана мысал, Сортөбенің мәдени қабаты жан-жақты зерттелсе, Оғыз қағанаты дәуірінен сыр шертетін тың деректер табылуы мүмкін.  

Мадияр Елеуов – тарих ғылымдарының докторы

Жалпы бүгінде облыста 500-ден астам ескерткіш мемлекет қорғауына алынған. Оның ішінде 30 ескерткіш республикалық маңызға ие. Семинар-кеңесте әр өңірден келген мамандар өзара әріптестік байланысты нығайтуға уағдаласты.

Сапар Көзейбаев – облыстық «Тарихи және мәдени ескерткіштерді қорғау жөніндегі» КММ директоры

Мың жылдық мәдениетпен тоғысқан Сыр өңірі тарихи жәдігерге бай. Енді сол мол мұраны жан-жақты зерттеп, келер ұрпаққа аманаттау маңызды міндет. Сала мамандарының талқылауындағы түйінді ой осы!   

Елжас Әбділда

Тақырып бойынша материалдар

Бұқаралық спортты дамыту – басты назарда
10:30, 17 қазан 2018
Бұқаралық спортты дамыту – басты назарда
Толығырақ...

Танымал жаңалықтар