ШҰҒЫЛ! Оңтүстік Корея дәрігерлері Қызылордада операция жасады Толығырақ

Таңбалы театр тарихы

18:49, 15 мамыр 2018

Екі ғасырлық тарихы бар Сырдың бас қаласы мәдениетпен мәуелі. Ал сол өнер атаулы сөз болғанда алдымен өнегелі жыры, сонан соң театр тынысы ойға оралмай ма?! Небір өнер майталмандары еңбек еткен облыстық Нартай Бекежанов атындағы қазақ музыкалық драма театры бүгінде өрісті өнер ұжымына айналды.

Елжас ӘБДІЛДА – тілші /Ең алғаш қазақ театрының шымылдығы осы Мұхтар Әуезовтің «Еңлік-Кебек» трагедиясымен ашылды.Одан кейін де киелі сахнада қаншама қойылым қойылып, қаншама өнерпаздың маңдай тері сіңді десеңші. Өмірдің нақ бейнесін көрсететін қара шаңырақ шырайлы шаһармен бірге әлі жасасып келеді. Ал театрдың таңбалы тарихына тереңнен зер салсаңыз, қазақтың тұңғыш кәсіби режиссері Асқар Тоқпановтың да қолтаңбасын байқауға болады/00:19

 Хұсейін Әмір-Темір – ҚР еңбек сіңірген қайраткері, театрдың көркемдік жетекшісі

 Бұл қара шаңырақ 63 маусым бойы үздіксіз жұртшылыққа жылылық сыйлап келеді. Осы уақыт аралығында осы сахнада 400-ден астам қойылым сахналанып, жүздеген өнерпаз театр тарихында ізін қалдырған. Солардың бірі Қазақстанның еңбек сіңірген әртісі Бақытбек Алпысбаев. Қызығы, әлгіндегі Әуезовтің «Еңлік-Кебек» трагедиясында ең алғаш Жапалдың рөлін қазақтың атақты əншісі Əміре Қашаубаев сомдаса, 1972 жылы дәл сол рөл Бақытбек Алпысбаевқа бұйырыпты.

Бақытбек Алпысбаев – Қазақстанның еңбек сіңірген әртісі

Осылай алдыңғы толқынның өнегесімен өрілген театрда ұрпақ сабақтастығы үзілмеген. 2008 жылдан бастап «Нартайдың бүлдіршіндері» атты қуыршақ тобы жұмыс істесе, 2014 жылдан бері жастар труппасы қызмет атқаруда. Талантты буын ә дегеннен «Ең сұлуым-Меңсұлу», «Сыған серенадасы», «Қысылғанан қыз болдық» секілді мезгіл мәселесін меңзеген қойылымдарды жұртшылыққа ұсынып үлгерді. Киелі өнер шаңырағының бағасын бағамдаған жастар үнемі ізденіс үстінде.

Қанат Архабаев – театр әртісі

 Зарина Асылбекқызы – театр әртісі

Жалпы бүгінде өнер шаңырағында 50-ге жуық өнерпаз еңбек етуде. Ерекшелігі сол, театр репертуары кез-келген жастағы көрермен тамашалай алатын қойылымдармен толыққан. Өзге театрлардан ерекшелейтін және бір қыры бұрыңғы спектаклдердің жаңаша үлгіде қайта қойылуында.

Видеоряд: /тыныс-тіршілігі/

Елжас ӘБДІЛДА – тілші /Хас сұлудың көз жасындай мөлдір өнер құнттағанда құнды. Театр ғимаратында орналасқан бұл шағын мұражайда кезінде еңбегі сіңген сахна саңлақтарының тұтынған бұйымдары бар. Мәселен мына киімді халық әртісі Серік Шотықов «Түнгі көбелек» қойылымында киіпті/01:36

 Небір өнер саңлақтарының сахналық костюмдері осында топтастырылған. Әлі күнге дейін әртістер қойылымдағы рөлі бекігеннен кейін әуелі осында бас сұғады.

Саракүл Шүренова – костюмер

Театр мыңның жұмысын бір сахнада тоғыстыратын ұжымдық өнер. Мәселен жарық қоюшы көптің көзіне жарқырап көрінбегенімен спектаклді жарқыратып көрсететін маман иесі.

Қайрат Исмаил – жарық қоюшы

 Елжас ӘБДІЛДА – тілші /Театр тоқтаусыз өнер, ұжымды бір қойылымнан кейін келесі спектакль күтіп тұрады. Міне тағы да өнер майталмандар кезекті гастролдік сапардың дайындығын пысықтауда. Шыны керек, театрдың тыныс-тіршілігімен таныс кісілер біледі, мұндай дайындық кезеңінде бөгде адам қатыспақ түгіл, театр залының есігінен сығалаудың өзі мұң. Дейтұрғанмен біз бүгін 200 жылдық мерейлі мерекені пайдалана отырып, осындай мүмкіндік алып отырмыз. Әрине мұның бәрі қымбатты көрермен сіздерге маңызды мағұлмат ұсыну үшін. Көрелік!/00:89

 Сыр сахнагерлері Шотландияның Эденбург қаласындағы дүниежүзілік ауқымды фестивальге қатыспақ ниетте. Лондон төрінде тұңғыш қазақ тілінде спектакль қойған жерлестеріміз бұ жолы «Қозы Көрпеш-Баян Сұлу» трагедиясын жаңаша нұсқасын «Ақбаян» деп атап, әлем сахнасына қадам баспақ. Бұл да сүйікті қаламызбен бірге өркендеген өнер ұжымының бір белесі!   

Елжас Әбділда

Тақырып бойынша материалдар

ҚАЗАҚСТАН ҒАРЫШ САЛАСЫН ИГЕРЕТІН ЕЛГЕ АЙНАЛУДЫ КӨЗДЕЙДІ
13:23, 17 тамыз 2018
ҚАЗАҚСТАН ҒАРЫШ САЛАСЫН ИГЕРЕТІН ЕЛГЕ АЙНАЛУДЫ КӨЗДЕЙДІ
Толығырақ...
БАС ӘСКЕРИ ПРОКУРОР ҚЫЗЫЛОРДА ГАРНИЗОНЫНЫҢ ӘСКЕРИ НЫСАНДАРЫН АРАЛАДЫ
13:22, 17 тамыз 2018
БАС ӘСКЕРИ ПРОКУРОР ҚЫЗЫЛОРДА ГАРНИЗОНЫНЫҢ ӘСКЕРИ НЫСАНДАРЫН...
Толығырақ...

Танымал жаңалықтар