ШҰҒЫЛ! Елбасының қатысуымен жалпыұлттық телекөпір өтеді Толығырақ

Туған жерді түлеткен тұлға есімі жаңғырды

15:10, 8 тамыз 2018

Шиелі ауданында «Қы¬зыл ту» колхозының тұңғыш төрағасы болған Сыз-дық Боқайұлының есімі жаңғырып, Жақаев ауылындағы көшелердің біріне аты берілді. Тағылымды шараға ел ағалары қатысып, еңбек ардагерінің ғибратты ғұмыры мен өнегелі ісін өскелең ұрпаққа үлгі етті.

Елбасы «Болашаққа бағдар: рухани жаңғыру» атты мақаласында туған жерді  түлеткен тұлғалардың есімін жаңғыртып, өскелең ұрпаққа үлгі ету, олардың ерлік істерін дәріптеп, кеңінен насихаттау керек деген болатын. Міне, осыдан 90 жыл бұрын іргесі қаланған Қызыл ту қазіргі Жақаев ауылындағы игі шара осы міндеттен туындап отырған оң бастама.

Нұрлан Махмұтұлы - Жақаев ауылының тұрғыны

Сыз­дық Боқайұлы ақ күріштен тау тұрғызған дала академигі, екі мәрте Социалистік Еңбек Ері Ыбырай Жа­қаевтың тетелес інісі. Жақаев - сөзге сараң, іске епті, бақытын қара жер мен кетпеннен тапқан қара нар болса, Боқаев – ел мен жердің қамқоры,  алғаш «Қы­зыл ту» колхозын құруға атсалысып, тұңғыш төрағасы болып сайланған ерен еңбек иесі. Міне, осындай тау тұлғалардың өмір жолымен атқарған игі істері ғылыми-танымдық конференцияда кеңінен сөз болды. 

 Әшім Оразбекұлы - Шиелі ауданының әкімі


 Әрине, жаңадан құрылған колхозды басқарып, аяққа тұрғызу,  шаруасын өрге сүйреу оңай іс емес. Бұл бағытта Боқаев іскерлік танытып, жүйелі жұмыстарды қолға алды. Егін шаруашылығын дамытып,  Қызылтуды «миллионер колхоз» деген атпен ауданға әйгілі етті.
 

 Қуандық Түменбай-жазушы

Конференцияда сөз алғандар осылайша  ел үшін еңбек еткен арда азаматтың ғибратты ғұмырынан терең сыр шертті. Тағлымды шара мұнан әрі Сыздық Боқайұлын еске алуға арналған спорттық сайысқа ұласты. Шахматтан өткен ардагерлер арасындағы аудандық ашық біріншілікке барлығы сегіз ойыншы қатысып, өзара мықтыны анықтады.  «Ер есімі- ел есінде» деген осы болса керек.

Ә.Жолтаев

Тақырып бойынша материалдар

Танымал жаңалықтар

Елбасының қатысуымен жалпыұлттық телекөпір өтеді
15:44, 11 желтоқсан 2018
Елбасының қатысуымен жалпыұлттық телекөпір өтеді
Толығырақ...
«ЖИТС»-ке қарсы күрес айлығы қорытындыланды
20:44, 10 желтоқсан 2018
«ЖИТС»-ке қарсы күрес айлығы қорытындыланды
Толығырақ...