ШҰҒЫЛ! АЙМАҚ БАСШЫСЫ ШЫНЫ ЗАУЫТЫНЫҢ ҚҰРЫЛЫСЫМЕН ТАНЫСТЫ Толығырақ

ҰБТ-ға аз уақыт қалды

19:38, 23 мамыр 2018

Биыл еліміз бойынша 102 мың мектеп бітіруші Ұлттық бірыңғай тестілеуге қатысуға өтініш білдірген. Бұл мектеп бітірушілер санының 70 пайызын құрап отыр. Ал облыс бойынша бес мыңға жуық бала ҰБТ-ға қатыспақ ниетте.

ҰБТ-дан қанша балл жинай аламын? Бағдат Нұрғалиді мазалап жүрген басты сұрақ осы. Ол түсінікті де. Мектеп бітіретін әрбір оқушы үшін қазір нағыз сыналатын шақ. Сондықтан күн-түн демей дайындалуға тура келеді. Уақыт аз қалды. Мектеп бітіретін оқушылардың басты сынағы 20-шы маусым мен 1 шілде аралығында болады.

 СНХ Бағдат Нұрғали – мектеп бітіруші

Тілші: Бағдат сынды облыс бойынша «Алтын белгіге» үміткер 338 оқушы бар. Соның 11-і «Білім –инновация» лицей-интернатын бітірушілер.

СНХ: Нұрсұлу Қуантаева – №9 «Білім-инновация» лицей-интернаты директорның орынбасары

Тілші: Елімізде тестілеу жүйесінің енгізілгеніне биыл тура 15 жыл .  Осы жылдар ішінде  ҰБТ-да 1,5 миллионнан астам мектеп бітірушінің білімі сыналыпты. Тестілеу форматына келсек,  былтыр айтарлықтай өзгеріс болды. Яғни, қорытынды аттестаттау немесе бітіру емтихандары мектептерде өткізіледі де,  ҰБТ – жоғары оқу орнына түсу және мемлекеттік гранттарды тағайындау емтиханы болып қалып отыр. Биыл да ҰБТ осы тәртіппен өтеді. Еш өзгеріс жоқ. Ал сұрақтар базасы айтарлықтай жаңарған.

СНХ: Бағдат  Бердаулетов-  облыстық білім басқармасы басшысының орынбасары

Тілші: Аймағымызда ҰБТ алдын ала белгіленген 9 орында өтеді. Бітірушілердің 10 пайыздайы орыс тілінде тест тапсырса, басқасы қазақ тілінде тапсыруды қалапты. Қызығы сол, енді ҰБТ-сұрақтарына ағылшын тілінде де жауап беруге болады. Жалпы,  Ұлттық бірыңғай тестілеуді ұйымдастыруға облыс бойынша  17 млн.теңгеден астам қаржы бөлінген.  Ашықтықты қамтамасыз ету мақсатында барлық пункттер талапқа сай жабдықталып, тестілеу барысынан он-лайн трансляция да  қарастырылған. Талапкерлерді тасымалдау, тамақ , жатын орын , тұрақты дәрігерлік қызмет көрсету  мәселелері де бақылауға алынды дейді мамандар. Және бір айта кетерлігі, биыл техникалық салаға басымдық беріліп отыр. Демек, физика мен химия пәндерін таңдаған талапкерлердің оқуға түсуіне  мүмкіндік мол.

Әділжан Бердібеков

Тақырып бойынша материалдар

Танымал жаңалықтар

Абылайдың қара жолы» экспедициясы – Сыр елінде
18:52, 24 қыркүйек 2018
Абылайдың қара жолы» экспедициясы – Сыр елінде
Толығырақ...