ШҰҒЫЛ! Шатырдан аққан жаңбыр суы тұрғындарды шаршатты Толығырақ

Ұлттық ғашықтар күні мерекеленді

19:59, 16 сәуір 2018

Соңғы жылдары жастар ұйымдарының, студенттер қауымының, бастамашыл топтардың ұйытқы болуымен 15 сәуір ұлттық ғашықтар күні ретінде аталып өтуде. Биыл да бұл мереке аймағымызда дәстүрлі түрде тойланды. Шиелі ауданының жастары ғашықтар күнінде орталық алаңға жиналып, мерекелік концерттің куәсі болды.

Бұл мереке жастар арасында «Ғашықтар»  немесе «Қозы Көрпеш Баян сұлу» күні деп аталады. Мерекенің түпкі мән-маңызы, жастарды махаббат атты мөп-мөлдір сезімді лайламай, шынайы  көңіл, ізгі ілтипатқа  құрметпен қарауға шақыру. Бір-біріне сыйластық танытып, ардан аттамай, ата салтымызды сақтай отырып шаңырақ құруға үндеу. Махаббат сезімінің мәнін ұғынған бүгінгі ұрпақтың ертеңі де жарқын болары даусыз. 

Әшім Оразбекұлы – Шиелі ауданының әкімі

Бұл мерейлі мереке жастардың асыға күтер мейрамына айналуда. Ұлттық мүддені, халқымызға тән тазалықты, кішіпейілділікті, бақ сезімге деген құрметті көздеген шара мазмұнды да мәнді өтті. Шиелілік жастар назарына әсем ән мен әсерлі би ұсынылды. Тәрбие мен тағлым қатар өрілген танымдық кешті ұйымдастырудағы басты мақсат – жастарды кіршіксіз сезімнің киесін ұғынуға шақыру.

Айдана Маманова – аудандық «Жастар ресурстық орталығының» директоры

Орталық алаңға жиналған жастар бірін-бірі ғашықтар күнімен құттықтап, ізгі тілектерін білдіріп жатты. Сахнаға шыққан өнерпаздардың жастар, ғашықтар, пәк сезім, достық туралы әндері мереке мәнін арттырып, ажарын айшықтай түсті. Талай ақын жырына қосып, талай сазгер әуен жазған шынайы махаббат жырларының қай қоғамда болмасын, тыңдаушысы бары айқын.

Тәжімұрат Әлжанов

Тақырып бойынша материалдар

Qazaqstan TV қосымшасы енді Сіздің телефоныңызда!
17:02, 25 сәуір 2018
Qazaqstan TV қосымшасы енді Сіздің телефоныңызда!
Толығырақ...

Танымал жаңалықтар

ТОҚАБАЙДАН ТАЙСОНДАР ШЫҚСА, ТАҢҚАЛМАҢЫЗ!
20:55, 19 сәуір 2018
ТОҚАБАЙДАН ТАЙСОНДАР ШЫҚСА, ТАҢҚАЛМАҢЫЗ!
Толығырақ...