ШҰҒЫЛ! Жылу бағасы үш пайызға төмендеді Толығырақ

ЖАҢАҚОРҒАНДА ЖАСТАР ҮЙІ АШЫЛАДЫ

18:50, 11 қаңтар 2019

Биыл Жаңақорғанда Жастар үйі ашылады. Онда кәсіпкерлік, туризм, ІТ салаға қатысты жобаларға қолдау көрсетіліп,  медициналық, психологиялық кеңес беріледі. Бұл туралы «Жаңақорған жастары жарқын болашаққа» атты аудан жастарының форумында айтылды.

Айдана Қалжігітова бес ай бұрын «жас проджект» жобасы аясында 1 миллион теңге қайтарымсыз несие алды. Қаржысына сауынды бие сатып алып, ауыл тұрғындарына тегін саумал таратып отыр. Қарамағында төрт қызметкері бар. Барлығы тұрақты түрде жоба аясында шәкіртақы алады. Бір айдан соң бағдарлама аяқталады. Ал Айдана кәсібін әрі қарай өрістетудің жоспарын жасап қойыпты.

Айдана Қалжігітова – кәсіпкер

Айдана секілді аудандағы 69 жас «жас проджект» жобасының шарапатын көруде. Дәл осы жоба аясында Жаңақорғанға 149 миллион теңге инвестиция тартылып, 247 жас жұмысқа орналасты. Облыстағы ең жоғарғы көрсеткіш бұл. Жалпы аудандағы жастардың саны  23 мыңға жуықтайды. Кәсіппен айналысып отырғаны - 530. Жастар арасындағы жұмыссыздық деңгейі 3,8 пайыз.

Ғалым Әмірев – Жаңақорған ауданының әкімі

Форумды өткізудегі негізгі мақсат - «Жастар жылы» атқарылатын жұмыстарды айқындап алу, дамушы елдердің тасасында қалмаудың қамын жасау. Расында, жастарға артылар жүк, олардан күтілер нәтиже көп. Басты жаңалық, Жаңақорғанда Жастар үйі ашылатын болды. Бұрынғы ескі мектеп ғимаратын күрделі жөндеуден өткізіп, нағыз жалынды жастардың басын қосатын орталық жасамақ. Бір сөзбен айтқанда, жастардың тәжірибесін шыңдайтын, кәсібін өрістетін, іскерлік орта болады.

Қуаныш Әбілакимов – «Ауған соғысы ардагерлері және патриот жастар» ҚБ төрағасы

Жаңақорғандықтар «Жастар жылында» құр ұрандату шараларына емес, нақты жобаларды жүзеге асыруға көңіл бөлеміз деп отыр. Мәселен, рухани құндылық, қайырымдылық, еңбек этикасы, ұрпақтар сабақтастығы, салт-дәстүрді дәріптеу арқылы туризмді дамытпақ ниетте.

Әкімбек Әлібек – аудандық жастар ресурстық орталығының директоры

Жылдың алғашқы форумынан жастар жігер алды, алдағы міндетті жұдырықтай жұмылып атқаруға уағдаласты. Жалынды жастардың шарасы жергілікті өнерпаздардың концерттік бағдарламасына ұласты.

Тәжімұрат Әлжанов

Тақырып бойынша материалдар

Арал теңізінің нақты пайда болған кезі анықталды
20:35, 23 қаңтар 2019
Арал теңізінің нақты пайда болған кезі анықталды
Толығырақ...

Танымал жаңалықтар

Ақсуатта газдандыру жұмыстары басталады
18:54, 17 қаңтар 2019
Ақсуатта газдандыру жұмыстары басталады
Толығырақ...