ШҰҒЫЛ! ОБЛЫС ӘКІМІ ЖАРТЫ ЖЫЛДЫ ҚОРЫТЫНДЫЛАДЫ. Толығырақ

Жасөспірімдер дзюдодан сынға түсті

20:08, 16 сәуір 2018

Сырдария ауданы Нағи Ілиясов ауылында дзюдодан республикалық ашық турнир жалауын көтерді. Жасөспірімдер арасындағы айтулы додада 400-ге жуық спортшы бақ сынауда.

«Абзал и К» толық серіктестігінің жүлдесіне арналған ашық турнир биыл сегізінші мәрте ұйымдастырылып отыр. Республикалық жарысқа еліміздің 10 облысынан 34 команда қатысуда. Үлгілі ауылдың төрінде өтіп жатқан таңдаулылар бәсекесі жыл өткен сайын ауқымын кеңейтіп келеді дейді төрешілер алқасы.

Ришат Бурлов – жарыстың бас төрешісі

Сыр өңірінде дзюдо спортының шоқтығы биік. Бүгінде облыс көлемінде бұл спорт түрімен үш мыңнан астам адам шұғылданады. Айта кетейік, дәл осы турнир талай таланттың томағасын сыпырды. Қазіргі таңда ел мерейін үстем етіп жүрген жастар арасындағы әлем чемпионы Мағжан Шамшадин, жасөспірімдер арасындағы әлем және олимпиада чемпионы Бауыржан Жауынтаевтар осы турнирде белдескен болатын.

Мағжан Ерәлиев -  «Абзал и К» ТС директоры

Далбай Абдурахим -  жарысқа қатысушы /Жамбыл облысы/

Ұлдар тоғыз салмақта өзара мықтыны анықтаса, бұрымдылар сегіз салмақ дәрежесінде бақтарын сынайды. Турнир жеңімпаздары демеушілердің бағалы сыйлықтары мен арнайы алғыс хаттармен марапатталмақ.

Асқар Тәжиев

Тақырып бойынша материалдар

Танымал жаңалықтар

Мәскеу-Қызылорда әуе рейісі алғашқы сапарын жасады
18:18, 16 шілде 2018
Мәскеу-Қызылорда әуе рейісі алғашқы сапарын жасады
Толығырақ...