ШҰҒЫЛ! Ауылды ұйқысынан оятқан оқиға Толығырақ

Еске алу турнирі

18:29, 8 қаңтар 2019

Облыс орталығында білім беру ісінің құрметті қызметкері Мәжит Өтемұратовты еске алуға арналған турнир болды. Үшінші мәрте ұйымдастырылған ала доп аламанында 16 команда бақ сынады.

Мәжит Жәмитұлы 1946 жылы  Қызылорда қаласында дүниеге келген. Білім саласында табанды еңбек етіп,  Қазақ ССР-нің кәсіптік білім беру ісінің үздігі, Қазақстан Республикасының білім беру ісінің құрметті қызметкері атанған.  «Ерен еңбегі үшін» медалінің иегері. Саналы ғұмырын ұрпақ тәрбиесіне арнаған ұлағатты ұстаздың құрметіне жыл сайын дәстүрлі түрде облыстық турнир ұйымдастырылып келеді.

Олжас Акимов – облыстық дене шынықтыру және спорт басқармасының басшысы

Шоқтығы биік жарысқа облыс орталығынан және барлық аудандардан 200-ге жуық спортшы қатысты.  Командалар өзара топқа бөлініп, мықтылық байқасты.  Жүлде қоры 1 миллион теңгені құрайтын ауқымды турнирдің алғашқы айналымдарынан -ақ ойындар тартысқа толы болды. Топтық кезеңнен сүрінбей өткен төрт команда ақтық сынға шығып, жүлделі орындарды сарапқа салды. Жарыс барысында жүйелі ойынымен  көзге түскен ұжымның бірі «Мемлекеттік кірістер департаментінің» командасы. Өткен жылы турнирдің үшінші орынын қанағат тұтқан ойыншылар, биыл да жақсы дайындықпен келіпті.

Мақсат Әбдікамалов - «МКД» командасының ойыншысы

Турнир нәтижесі бойынша әдемі ойын өрнегін көрсеткен «Орион» командасы 3-орынға қол жеткізсе, екінші орынға «Мемлекеттік кірістер департаментінің» аяқдопшылары ие болды. Ал турнирдің бірінші орынын жарыс бойы қарсыластардан басым болған  «Зенит» командасы еншіледі. Барлық жеңімпаздар мен жүлдегерлерге Мәжит Өтемұратовтың отбасы тағайындаған қаржылай сыйақылар мен бағалы сыйлықтар табысталды.

Әділжан Бердібеков

Тақырып бойынша материалдар

Ауыр атлетика: Сырдың қос ұланы әлем чемпионы атанды
21:06, 15 наурыз 2019
Ауыр атлетика: Сырдың қос ұланы әлем чемпионы атанды
Толығырақ...

Танымал жаңалықтар

22:27, 13 наурыз 2019
Жаңақорғанда жүгеріден сусын шығаруда
Толығырақ...