ШҰҒЫЛ! ЖАЗАТАЙЫМ ОҚИҒА Толығырақ

Шағын футболдан турнир

18:42, 12 ақпан 2019

Сырдария ауданында шағын футболдан облыстық ашық біріншілік болды. Доп додасы Ақжарма ауылының тумасы, балалар спортын дамытуға үлес қосып жүрген ұстаз Асылбек Рахманбердиевтің 60 жылдық мерейтойына арналды. 

Алпысты алқымдаған Асылбек Рахманбердиев Ақжарма ауылының тумасы. Бала күнінен спортты серік еткен ол мектепті тәмамдаған соң дене шынықтыру пәнінің мұғалімі мамандығын алды. Міне, содан бері ауыл мектебінде ұстаздық етіп келеді. Еңбек өтілі -34 жыл.

Асылбек Рахманбердиев – ұстаз

 Ұстаздың ауыл футболын дамытудағы үлесі зор. Оның шәкірттері ала доптың қыр-сырын меңгеріп, аудандық, облыстық біріншіліктерде топ жарып жүр. Ал мерейтойлық турнирді өткізуге бастамашы болған шәкірттері.

Мағауия Арапов – А.Рахманбердиевтің шәкірті

«Ақжарма» командасын Асылбек Рахманбердиев жаттықтырады. Ұстаздарының атынан өтіп жатқан турнирде намысты қолдан бермес үшін жарыс қожайындары үлкен дайындықпен келіпті.

Ержігіт Бақытбеков – жарысқа қатысушы

Облыстық ашық біріншілікте 12 команда бақ сынады. Командалар үш топқа бөлініп, айналмалы жүйе бойынша өнер көрсетті. Топтық ойындарда тосылмаған «Мәлібаев», «облыстық кірістер департаменті», «Байқоңыр» және «Арай» командалары жартылай финалға жолдама алды. Ақтық сынға берілер жолдама үшін таласта «Мәлібаев» ауылының жігіттері облыстық кірістер департаменті командасынан айласын асыра алмады. Ал «Байқоңыр» «Арай» командасын жеңіп, финалға шықты. Үшінші орын үшін таласта арайлықтардың жолы болса, ақтық сында облыстық кірістер департаментінің жігіттері байқоңырлықтарды тізе бүктіріп, турнир жеңімпазы атанды.

Тәжімұрат Әлжанов

Тақырып бойынша материалдар

Танымал жаңалықтар

СЫР ӨНЕРПАЗДАРЫНЫҢ ӨЗБЕКСТАНҒА САПАРЫ
20:58, 16 тамыз 2019
СЫР ӨНЕРПАЗДАРЫНЫҢ ӨЗБЕКСТАНҒА САПАРЫ
Толығырақ...