ШҰҒЫЛ! Оңтүстік Корея дәрігерлері Қызылордада операция жасады Толығырақ

Волейбол

21:56, 24 сәуір 2018

«Спорт – денсаулық кепілі». Осындай ұранмен Шиелі ауданына қарасты Тартоғай елді-мекенінде волейболдан ардагерлер арасында аудандық ашық біріншілік өтті. Түрлі салада қажырлы қызмет еткен ардагерлер арасындағы сайыс өрісті өлкенің 90 жылдығына орай ұйымдастырылды.

Тілші: Аға буынның үлгілі жолына негізделген спорттық сайыс осымен екінші жыл қатарынан ұйымдастырылып отыр. Біріншіліктің биылғы ерекшелігі, осыған дейін тек аудан төңірегіндегі командалар бақ сынаса, бұл сайысқа Жаңақорған ауданы мен Байқоңыр қаласының ардагерлері де қатысты. Спорт бәсекесінің осылайша жыл өткен сайын ауқымы кеңеюде.

Интершум: /Жарыс/

СНХ: Молдахмет Ағыбаев – ішкі істер саласының ардагері

Тілші: Әнуарбек Тәжімбет білім саласының ардагері. Бүгінде Пайғамбар жасына аяқ басса да әлі тың. Ардагерлер арасындағы волейбол сайысында қатарластарынан қалмай шапшаңдық танытып, шеберлігін байқатты. 

СНХ: Әнуарбек Тәжімбет – жарысқа қатысушы

Тілші: Тартоғай төріндегі тартысты сайысқа 80-нен астам спортшы қатысты. Қалыптасқан ережеге сай әр командадағы ойыншалардың жасы 40-тан жоғары болуы тиіс. Сондай-ақ, командалардың бәрінде алпысты алқымдаған кемінде бір ойыншыдан бар. Тұрақты түрде ұйымдастырылатын бұл турнирдің жастарға тәлімі мол. 

СНХ: Қадыржан Базарбек – ауыл тұрғыны

Тілші: Жарыс қорытындысы бойынша Байқоңыр қаласының ардагер спортшылары бірінші орынға ие болды. Жүлделі екінші орынды шиелі ауданының командасы иеленсе, жаңақорғандық ардагерлер үздік үштікті түйіндеді. Енді спорт бәсекесін өзге де елді-мекендерде өткізу жоспарлануда.

Елжас Әбділда

Тақырып бойынша материалдар

«Қайсар» «Ақтөбеден» айласын асыра алмады
15:07, 13 тамыз 2018
«Қайсар» «Ақтөбеден» айласын асыра алмады
Толығырақ...
ЕЛ БІРІНШІЛІГІНЕН КҮМІС ЖҮЛДЕМЕН ОРАЛДЫ
17:29, 9 тамыз 2018
ЕЛ БІРІНШІЛІГІНЕН КҮМІС ЖҮЛДЕМЕН ОРАЛДЫ
Толығырақ...

Танымал жаңалықтар