ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Батыр есімі ұлықталды

15:33, 9 мамыр 2016

Төлеген Бисенбаев – Ұлы Отан соғысының ардагері, «Қызыл жұлдыз» орденінің иесі. Майдангер зұлмат жылдардағы көзсіз батырлығымен қатар, бейбіт күндегі өлшеусіз еңбегімен көптің есінде қалған. Ол Жалағаштағы Ақарық ауылында алғаш болып қыш шығаратын завод, монша, электр станциясын, сондай-ақ, радио торабын салдырған жан. Міне, Ұлы Жеңістің 71-ші көктемінде біртуар азаматты елі ардақтап, ауылдағы көшенің біріне батырдың есімі берілді.

Тілші: Төлеген Бисенбаев 1918 жылдың екінші қаңтарында қазіргі Жалағаш ауданы Аққұм ауылында дүниеге келген. 21 жасында Кеңес армиясы қатарына шақырылып, Қиыр Шығыста әскери борышын өтейді. Содан соң, лейтенанттар даярлайтын курсты тәмамдап, соғыс басталғанда танк полкісінде взвод командирі болды. Майдан даласындағы көзсіз ерлігі мен батылдығы үшін Төлеген Бисенбайұлы «Қызыл жұлдыз» ордені мен Сталиннің алғыс хатына лайық деп танылған. Ұлы Жеңістің 71 жылдық мерекесіне орай Ақарық ауылында майдангердің ұрпақтары мен туыстары бас қосып, батыр рухына тағзым етті.

Қуанышбек Ысқақов – облыс әкімінің орынбасары

Тілші: Сұм соғыс жылдарында елін қызғыштай қорғаған жауынгер бейбіт күндері де халықтың игілігі үшін көптеген жақсы бастамаларды қолға алды. Ұстаздық етіп, шәкірт тәрбиелеп, жас ұрпақтың сапалы білім алуы жолында аянбай еңбек етті. 1953 жылдан бастап Ақарық колхозына төраға болып сайланып, жұртшылықтың әлеуметтік-тұрмыстық жағдайын көтеруге ерекше атсалысты. Ауыл орталығынан кеңсе үйін, клуб, монша құрылыстарының салынуына ықпал жасады. Сондай-ақ, сонау Қиыр Шығыстан бірнеше вагон ағаш алдырып, оны Шіркейлі, Жаңадарияның суы арқылы ағызу нәтижесінде ауылға электр, радио желілерін тартуға бағаналар орнатты. 1955 жылы елді-мекенге электр шамы жағылып, алғаш радионың сөйлеуі де - білікті басшы, іскер ұйымдастырушының үлкен еңбегі.

Әлтай Пірманов – Ақарық ауылы ардагерлер кеңесінің төрағасы

Тілші: Қырық жылдық ғұмырында Ақарық ауылының гүлденуіне барынша жағдай жасап, көпшіліктің оң бағасын алған Төлеген Бисенбаевты Ұлы Жеңіс мерекесі аясында халқы ардақтап, ауылдағы көшенің біріне батырдың есімін берді.

Талғат Дүйсебаев – Жалағаш ауданының әкімі

Қуандық Бисенбаев – Т.Бисенбаевтың баласы

Тілші: Шарапатты шара барысында майдангер ұрпағы мен елді-мекен тұрғындары тағзым алаңына барып, соғыстан оралмаған жауынгерлер рухына құран бағыштады. Мұнан соң, ауылдық клубта бас қосып, Төлеген Бисенбаевтың игі тірліктері мен қайырымды істерін тілге тиек етті.

Гүлнар Бекмырзаева – Ақарық ауылының тұрғыны

Тілші: Сондай-ақ, соғыс ардагерін ұлықтауға арналған бағдарлама аясында «Төлеген тағылымы» атты кітаптың тұсаукесер рәсімі өтті. Бұл – әке рухына тағзым етіп, оның ерлігі мен іскерлігін, өрлігін үлгі еткен батыр ұрпағының бабасына деген шексіз алғысы мен құрметінің белгісі. «Адам ұрпағымен мәнді» деген сөз осы болса керек.

Гүлсім Нұрланқызы, Нұржан Музарапшин

 

 

Тақырып бойынша материалдар

Танымал жаңалықтар