ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

«Бойтұмар Ханым» қоғамдық қоры ардагерлерге құрмет көрсетті

15:41, 9 мамыр 2016

Ұлы Отан соғысы жылдарында Сыр өңірінде 11 әскери госпиталь мен дәрігер-фельдшерлер дайындайтын медициналық институт жұмыс жасап, мыңдаған жаралы жауынгерді сауықтыру ісі жүргізілді. Сұрапыл кезеңде тылда тер төккен ақ халаттылардың бірі- Шырынкүл Ахметова.

Тілші: Шырынкүл Ахметова – дәрігер-мейірбикелер жасағында жүріп, майдан даласынан оралған жаралы жауынгерлердің жүректеріне сенім ұялатып, дерттеріне дауа бола білген жан.  Соғыс оты тұтанған жылы ол 20 жаста болатын. Әскери ауруханада жаны қиналған талай жауынгердің  өмірін сақтап қалуға үлес қосты. Тыл ардагеріне бейбіт күннің берекелі шағын көру бақыты бұйырған екен. Биыл ол Жеңістің 71-ші көктемін ерекше қуанышпен қарсы алып отыр.  Облыстағы «Бойтұмар Ханым» қоғамдық қорының мүшелері ардагерлерді Жеңіс күнімен алғашқылардың бірі болып құттықтады.

Шырынкүл Ахметова – тыл ардагері

Тілші: Қоғамдық қор  өкілдері мұнан соң, Ұлы Отан соғысының ардагері Шалболов Жанияз ақсақалдың шаңырағында болды. Қарт майдангер биыл Жеңіс күні мерекесін  Елордада қарсы алыпты.  Қор мүшелері отанасы, белгілі ардагер-ұстаз Жамал Қожаназаровамен жүздесіп, мерекелік сый-сыяпатын жасады. Өңірдің білім саласына тер төккен аяулы ұстаз, соғыс ардагерінің жары ілтипат көрсеткен кіші буынға алғысын айтып, ізгі лебізін жолдады.

Рахима Ахметова – «Бойтұмар Ханым» қоғамдық қорының төрайымы

А.Қожақова, А.Әлиев, Досхан Сәтпай

Тақырып бойынша материалдар

Танымал жаңалықтар