ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Бүгін – Ұлы Жеңіс күні

15:28, 9 мамыр 2016

Бүгін Сыр жұртшылығы Жеңістің 71-ші көктемін Тағзым алаңында қарсы алып, Отан үшін кеудесін оққа тосқан жауынгерлеріміздің рухына бас иіп, ерліктерін еске алды. Дәстүрлі шараға облыс әкімі Қырымбек Көшербаев қатысты.

Ш.Исабекова - тілші

Жеңіс күні - бұл ерлік пен даңқ, елдің бірлігі мен ынтымағы салтанат құратын сәт. Бүгін әдеттегідей Ұлы Жеңіс жолында парыз бен намысты алға қойып Отаны үшін от кешкен жаужүректерімізді ұлықтап, жанқиярлық ерлікпен қаза тапқан батырларымызды еске алу  мақсатында көпшілік тағзым алаңына жиналды. Қайсарлық пен қайтпас рухтың хас үлгісін көрсеткен жауынгерлер ерлігі – ел жүрегінде.

Тілші: Жылдағы дәстүр бойынша Тағзым алаңына қарапайым халықпен қоса кеудесі орден-медальдарға толы Ұлы Отан соғысының ардагерлері де жиналды.  Уақыт өткен сайын  қарт жауынгерлер қатары сиреп барады. Майдандастарын кезіктіре қоймаған соғыс ардагері Әбдірахман Бәйтіков те: «Өмір заңдылығы ғой,»- деп қынжылысын жасырмады. Курск шайқасында Отан үшін от кешкен жауынгер сұрапыл соғысты бір сәт еске түсіріп, сұм соғыстың енді қайтып болмауын айтып тілек білдірді.

Әбдірахман Бәйтіков – Ұлы Отан соғысының ардагері

Тілші:   Тағзым алаңына жиналған жұртшылық елі үшін мерт болған боздақтарды  бір минут үнсіздікпен еске алды. Мұнан соң аймақ басшысы  өшпес ерлік пен өлшеусіз даңқтың мерекесі Ұлы Жеңіс күнімен барша сырбойылықты құттықтап, ізгі лебізін білдірді.

Қырымбек Көшербаев – облыс әкімі

-Бұл Жеңіс болмағанда, бүгінгі Тәуелсіз Қазақстан да болмас еді. Сондықтан да Ұлы Жеңіске өлшеусіз үлес қосқан әрбір ардагерге кейінгі ұрпақ атынан мың мәрте алғыс айтамыз. Сіздер сияқты жеңімпаздардың ұрпағы, халықтар арасындағы достық пен бірлікті қастерлеген аға буынның жалғасы екенімізді әрдайым мақтан етеміз.

Тілші:  Ел басына күн туған сәтте туған жердің намысы үшін майданға аттанып, Отан үшін жанқиярлық ерлік көрсеткен жаужүрек қаһармандарымыздың ерліктері ұрпақ жадында сақталуы тиіс. Осы мақсатта 4 жыл қатарынан ұымдастырылып келе жатқан «Жасампаз жасақ» биыл да салтанат құрды. Сұм соғыста ерлікпен қаза тапқан, хабар-ошарсыз кеткен майдангерлердің бүгінгі ұрпағы батыр бабаларының суретін алып жүріп, олардың ерлігіне бас иді. Жасмпаз жасақ қатарында - сексеннен асқан кейуана Нинель Омарова да бар. Әкесі Ахмет Смоленскі жерінде соғысқа кеткенде әжей небәрі 6 жаста болыпты.

Нинель Омарова – Ұлы Отан соғысы ардагерінің қызы

Тілші: Мәңгілік алау бұл күні қызыл гүлдерге толы болды. Бейбіт елдің ұрпағы ар-намысты биік қойып, Отаны үшін жан алып жан беріскен ержүрек батырлардың рухына тағзым етті.

   Ш.Исабекова, А.Әлиев

Тақырып бойынша материалдар

Танымал жаңалықтар