ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Ерлігі – үлгі, өмірі – өнеге

15:31, 9 мамыр 2016

Жалағаштан майдан даласына 2316 адам аттанса, солардың 600-і ғана елге аман-есен оралған. Ал Жеңістің 71-ші көктемінде бұл ауданда көзі тірі жалғыз соғыс ардагері қалыпты. Таң елді-мекенінде тұратын қарт майдангер Уәли Дүйсенбиевтің шаңырағында біздің тілшіміз болып келді.

Уәли Дүйсенбиев – Ұлы Отан соғысының ардагері / «Ат!» дейді атамыз, «жат!» дейді жатамыз. Солай жүрдік. Қасыңдағы адамдар өліп жатыр, ұшып кетіп жатыр жүгіріп бара жатырып. Оған қайғыруға мұрша жоқ.../

Тілші: Уәли Дүйсенбиев ақсақал зұлмат соғыс жылдарын осылайша күңірене еске алады. Бозбала жігіттік шағында нағыз майдан ортасына тап болған. Ол алдымен Қиыр Шығыстағы Владивосток қаласында болып, №94 атқыштар дивизиясы құрамында шайқасқан. Кейін жаяу әскер қатарында жүріп, жапон басқыншыларымен күреседі. Жан баласын аямайтын қан майданда жауынгер екі рет дене жарақатын алып, елге 1947 жылы оралған. Туған жерге келгеннен кейін майдангер колхоз жұмысына белсене араласып, ауыл шаруашылығының дамуына елеулі үлесін қосады. Ал, 1948 жылы шаңырақ көтерген ол жұбайы Торта екеуі он балаға үлгілі ата-ана бола білді. Көпшілік Уәли ақсақалды Ұлы Отан соғысының ардагері, ержүрек батыр ретінде таныса, келіні Бибімария туған әкесіндей жақсы көріп, ерекше құрметтейді. Отауға келін болып түскен 30 жылдан аса уақытта қазыналы қарттан естіп-білгеніміз, үйренгеніміз көп дейді ол.

Бибімария Достаева – У.Дүйсенбиевтің келіні

Толғанай Ғаниқызы – У.Дүйсенбиевтің немересі

Тілші: Жеңістің 71-ші көктемінде Уәли Дүйсенбиев ақсақал 92 жасты толтырып отыр. Сұрапыл соғысты көзбен көріп, қиындығын сезінген майдангердің қазіргі бар тілегі – елдегі бейбітшілік пен тұрақтылық.

Уәли Дүйсенбиев – Ұлы Отан соғысының ардагері /бата/

Тілші: Қазыналы қарттың өмірі – балалары мен немерелеріне өнеге. Ал ерлігі – көпке үлгі. Отбасының ұйытқысы, берекесі болып отырған Ұлы Отан соғысының ардегері ел тыныштығына шүкіршілік етуден жалыққан емес.

Гүлсім Нұрланқызы, Нұржан Музарапшин

Тақырып бойынша материалдар

Танымал жаңалықтар