ШҰҒЫЛ! ДҮЛДҮЛ СӨЗДІҢ ДҮРІ - ҚАРАСАҚАЛ ЕРІМБЕТ Толығырақ

Ерлік даңқы өшпейді

18:19, 7 мамыр 2016

Бүгін Сыр елі ерліктің қос мерекесі - Отан қорғаушылар күні мен Жеңіс күнін атап өтті. Мәдениет ордасы – театрда салтанатты шара ұйымдастырылды, ал мейрамханада қарт майдангерлерге ақ дастархан жайылды, рухты көтеретін әндер шырқалып, ақ тілектер дестесі ақтарылды.

Тілші: Көңілде аман келші деген ақ тілек, көзде ыстық жас, жүректе сағыныш болған сол жылдарды тарихтың көмбесіне көмгенмен, халық жадыдан шығарған жоқ. Шығармайды да. Өйткені ерліктің даңқы өшпейді. Сан үйдің шамын сөндірген, жанға жазылмас жара салған сұм соғыста тылдағы жұртқа сабырдың суын сеуіп, өжет көңіл, ержүрек бабаларымыз бейбіт өмір үшін қан кешті, жанын арының садағасы етті. Өкінішке орай, соңғы уақытта тарихты бұрмалаушылар жиі кездесіп жүр деп кейиді бастан-аяқ әкесі майданда болған ефрейтордың ұлы, бүгінде генерал Әлімжан Ерниязов.

Әлімжан Ерниязов -  облыстық қорғаныс істері департаментінің бастығы

Қырымбек Көшербаев – облыс әкімі

Сейілбек Шаухаманов – облыстық ардагерлер кеңесінің төрағасы

Тілші: Бүгінде Сыр елінде 64 Ұлы Отан соғысының ардагері қалды. Қарт солдаттардың Жеңістің 71-ші көктемін көруі, тәуелсіз қазақ елінің 25 жылдық белесіне куә болуы - үлкен бақыт. Бар болыңыздар, біздің наркескен намысты нарымыз, бетке ұстар арымыз! Болашақтың бейбіт күні үшін сіздер өз миссияларыңызды абыроймен атқардыңыздар, бүгінгі ұрпақ елдіктің жасампаздығы жолында үлкеннен алған өнеге-үлгімен қызмет ете бермек.

А.Тұңғышбаева, А.Әлиев

Тақырып бойынша материалдар

Танымал жаңалықтар